Սեփականատիրոջ ավտոտնակում 35 տարի «քնած» 1970 թվականի խորհրդանշական Lamborghini Miura P400 S-ը կհանվի աճուրդի

Gooding & Company-ն հայտարարել է, որ վերջերս հայտնաբերված 1970 թվականի Lamborghini Miura P400 S-ը, որն ավելի քան 35 տարի «քնել» էր իր սեփականատիրոջ ավտոտնակում, Pebble Beach աճուրդում այս օգոստոսին կդառնա գլխավոր ցուցանմուշը, գրում է Motorious-ը։

Տպավորիչ օրիգինալ Luci di Bosco երանգով՝ մեքենայի սրահի երկերանգ բեժ պաստառով այս հիանալի գտածոն պահպանում է համապատասխան շարժիչի համարները և թափքի դրոշմված վահանակները:

Ակնկալվում է, որ օգոստոսի 16-ին և 17-ին անցկավելիք աճուրդը կգրավի աշխարհի հավաքորդների համակ ուշադրությունը։ Miura S-ն սկզբնական արտադրության մոդելի համեմատ ենթարկվել է բազմաթիվ բարելավումների, ներառյալ՝ ուժեղացված ամրաշրջանակ, կատարելագործված կախոցը և արգելակման համակարգը:

Մոդելի բացումը և հետագա աճուրդը սիրահարներին հազվագյուտ հնարավորություն է ընձեռելու ձեռք բերել Lamborghini-ի ամենահայտնի մոդելներից մեկի չվերականգնված, նախկինում անհայտ նմուշօրինակը: