ՌԴ Բելգորոդի նահանգապետը հայտնել է սահմանին Ուկրաինայի զինված ուժերի հետ հրաձգային մարտի մասին
Կրասնոյարուժի շրջանի Տերեբրենո գյուղը գտնվում է Ուկրաինայի զինված ուժերի գնդակոծության տակ։ Այս մասին Telegram-ի իր ալիքում գրել է Ռուսաստանի Դաշնության Բելգորոդի նահանգապետ Վյաչեսլավ Գլադկովը։
Նախնական տեղեկություններով, գյուղի սահմանին հակառակորդի հետ փոխհրաձգություն է ընթանում։ Բոլոր համապատասխան գերատեսչությունները իրավիճակը վերահսկողության տակ են պահում, ասել է նա։
«Մի քանի գյուղերում վնասվել են էլեկտրահաղորդման գծերը։ Վթարային և օպերատիվ ծառայությունները կսկսեն վերացնել հետևանքները Ռուսաստանի Դաշնության պաշտպանության նախարարության հետ համաձայնեցնելուց հետո»,- հավելել է նահանգապետը։