Ընդհանուր բարօրության համար մարդիկ պատրաստ են վնասել տղամարդկանց. Archives of Sexual Behavior

Նյու Մեքսիկոյի համալսարանի գիտնականները պարզել են, որ մարդիկ ավելի հակված են հանուն ընդհանուր բարօրության վնաս հասցնել տղամարդկանց, քան կանանց: Հետազոտության արդյունքները հրապարակվել են Archives of Sexual Behavior ամսագրում:

Հետազոտողներն առաջ են քաշել հիպոթեզը, որ մարդիկ կարող են կողմնակալ լինել հասարակական կյանքում միջամտություններին աջակցելու հարցում, եթե դրանք կողմնակի վնաս են պատճառում մի սեռին մյուսի նկատմամբ:

Հետազոտողները երեք ուսումնասիրությունների շարք են անցկացրել՝ ավելի քան 200 ամերիկացիների մասնակցությամբ: Բոլոր փորձերը ներառում էին թեստավորում, որի ընթացքում մասնակիցները պետք է գնահատեին միջամտությունների վնասը:

Օրինակ՝ մասնակիցներին ներկայացվել է աշխատակիցների միջամտության ծրագիր, որն ուղղված է թունավոր աշխատանքային միջավայրի բարելավմանը: Նրանք պատահականորեն նշանակվել են երկու գենդերային պայմաններից մեկին, երբ տղամարդ կամ կին աշխատողները վնաս են կրել ծրագրի պատճառով: Մասնակիցներին խնդրել են գնահատել ծրագրի ընդունելիությունը:

Արդյունքները ցույց են տվել, որ մարդիկ հակված են դրսևորել գենդերային կողմնակալություն՝ տարբեր համատեքստերում նպաստելով տղամարդկանց դեմ ուղղված վնասին, քան կանանց: