Skoda-ն բացահայտել է նորույթների ներկայացման ժամանակացույցը
Skoda-ն բացահայտել է նորույթների ներկայացման ժամանակացույցը՝ հիշեցնելով նաեւ, որ արագացնում է իր մոդելային շարքի էլեկտրաֆիկացման տեմպերը։ 2026 թվականին նրա տեսականիում կլինի 6 էլեկտրական մեքենա, իսկ 2027 թվականին այդ մեքենաների ստեղծման համար ներդրումները կկազմեն ընդհանուր առմամբ 5,6 մլրդ եվրո։ Այս մասին գրում է «Колеса»-ն։
Մոտ ապագայում Skoda-ն կներկայացնի նորացված եվրոպական Kamiq ամենագնացը եւ Scala հեչբեքը։ Իսկ այս տարվա աշնանը նախատեսվում է երկրորդ սերնդի Skoda Kodiaq քրոսովերի եւ չորրորդ սերնդի Skoda Superb ընտանիքի (լիֆտբեք եւ ունիվերսալ) քրոսովերի շնորհանդեսը։ Երիտասարդ մոդելների ռեսթայլինգի մասին մանրամասներ դեռեւս չկան։ Բայց նոր Kodiaq-ը եւ Superb-ը ներկայացված են թիզերներում, բացի այդ, հայտարարվում է, որ այդ մեքենաները կպահպանեն բենզինային եւ դիզելային շարժիչները, ինչպես նաեւ կունենան հիբրիդային տարբերակներ («փափուկ» եւ վերալիցքավորվող):
2024 թվականին Skoda-ն կցուցադրի նոր էլեկտրական ամենագնաց. ինչպես եւ սպասվում էր, մոդելը վաճառքի կհանվի Elroq (աշխատանքային անվանումը՝ Compact) անվանումով: Ընկերությունում մոտ 4,5 մ երկարությամբ այս ամենագնացը անվանում են կա՛մ ներկայիս Karoq-ի ժառանգորդ, կա՛մ այլընտրանք. ըստ երեւույթին, ժամանակի ընթացքում էլեկտրական մեքնենան դուրս կմղի ներքին այրման շարժիչով մոդելին:
Skoda Elroq-ի տեսքը կլինի նոր Modern Solid ոճով, որն առաջին անգամ ցուցադրվել է անցյալ տարվա Vision 7S կոնցեպտի վրա: Ի դեպ, այս ոճի կրողներ են լինելու ապրանքանիշի բոլոր էլեկտրական մեքենաները։ Բացի այդ, Skoda Octavia-ն հաջորդ տարի կթարմացվի (փոփոխությունների մասին մանրամասներ դեռ չկան):
Մեկ այլ բոլորովին նոր էլեկտրական մեքենայի պրեմիերան նախատեսված է 2025 թվականին, այն դեռ հայտնի է Small ներքին անվանումով: Ինչպես կարող ենք կռահել, դա կլինի Skoda-ի ամենափոքր էլեկտրական մեքենան (մոտ 4,1 մետր երկարությամբ), ինչպես նաեւ կլինի ամենաէժանը․ ընկերությունը խոստանում է մոտ 25000 եվրո մեկնարկային գին։ 2025 թվականին Enyaq եւ Enyaq Coupe էլեկտրական ամենագնացները նույնպես կարդիականացվեն, դրանք կթարմացվեն նույն Modern Solid ոճով։
Իսկ, 2026-ին Skoda-ի տեսականին կհամալրվի միանգամից երկու էլեկտրական մեքենաներով՝ ունիվերսալով եւ մեծ յոթ տեղանոց քրոսովերով, այժմ դրանք նշված են որպես Combi եւ Space:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...