Հայտնվել են հաջորդ սերնդի Countryman քրոսովերի առաջին պատկերները
Անցյալ շաբաթ Mini ընկերությունը թողարկեց հաջորդ սերնդի Countryman քրոսովերի պաշտոնական թիզերները, որոնց շնորհիվ մենք հնարավորություն ունեք պատկերացնելու, թե ինչպիսի տեսք կունենա նորույթը: Այս մասին հայտնում է Колеса-ն։
Countryman մոդելն առաջին անգամ ներկայացվել է 2010 թվականին՝ դառնալով 2008 թվականի Mini Crossover Concept-ի սերիական տարբերակը: Այն ապրանքանիշի առաջին քրոսովերն է, ինչպես նաև ընկերության նոր պատմության մեջ BMW-ի հովանու ներքո առաջին հինգդռնանի մոդելը։
Այսօր արտադրվում է կոմպակտ ամենագնացի երկրորդ սերունդը, որի պրեմիերան տեղի էր ունեցել 2016 թվականի վերջին, իսկ 2020 թվականին մեքենան ստացել է պլանային ոճափոխություն։
Եկել է սերնդափոխության ժամանակը, և մի քանի օր առաջ Mini-ն հրապարակել է քողարկված նախատիպերի լուսանկարներ, որոնցում միևնույն է կարելի է տեսնել ապագա քրոսովերի արտաքին տեսքի հիմնական առանձնահատկությունները։
Նորույթը ներկայիս մոդելին նման համամասնություններ կստանա, իսկ արտաքին տեսքի տարբերություններն ավելի շատ էվոլյուցիոն բնույթ կունենան՝ նախորդ տարվա Aceman կոնցեպտի որոշ առանձնահատկություններով: Առջևում կհայտնվեն մի փոքր ավելի անկյունային լուսարձակներ և ավելի մեծ վանդակաճաղեր: Մեքենան կստանա ձևի առումով ավանդական կափարիչ, որը չի անցնում լուսարձակների վրայով։ Կողքից նորույթը հեշտությամբ ճանաչելի է ստեղնաշարային տիպի դռներով, ճիշտ նույնից նախկինում ստացել էին BMW-ի որոշ նոր արտադրանքներ՝ 2-սերիա կուպեն, Gran Coupe-ի հինգդռնանի տարբերակում «չորսը» և վերջին սերնդի X1 քրոսովերը: Հետևի մասում նույնպես բավականին նկատելի փոփոխություններ կլինեն. Countryman-ը կստանա անկյունային լույսեր (հնարավոր է՝ դրանք համակցվեն դեկորատիվ ներդիրի հետ), իսկ համարանիշի խորշը բեռնախցիկի կափարիչից կտեղափոխվի հետևի բամպեր։
Նոր սերնդի քրոսովերը կառաջարկվի ներքին այրման շարժիչներով և կլինի ամբողջապես էլեկտրական (այս տարբերակը հագեցած կլինի EV համակարգով): Վերջինս հասանելի կլինի մի քանի տարբերակներով՝ Countryman E-ը համալրված կլինի 188 ձիաուժ հզորությամբ մեկ էլեկտրաշարժիչով, ավելի հզոր լիաքարշակ Countryman SE ALL4-ը՝ երկու էլեկտրական շարժիչներով, կունենա 308 ձիաուժ հզորություն։ Ինչ վերաբերում է ավանդական տարբերակներին, ապա դրանք հագեցած կլինեն տուրբո 1.5 լիտրանոց 3 ցիլինդրով և 2 լիտրանոց 4 ցիլինդրով՝ 48 վոլտ լարման ստարտեր-գեներատորի հետ համատեղ (այսպես կոչված՝ մեղմ հիբրիդով)։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...