Disney-ն իր նոր նախագծում առաջին անգամ հավանություն է տվել տրանսգենդեր դերասանուհուն
Բրիտանացի դերասանուհի Թալիսա Գարսիան դեր է ստանձնել Disney+ սթրիմինգային ծառայության նախագծում, որը կոչվում է «Վիլլոու»։ Այս մասին հայտնում է Deadline-ը։
Նշվում է, որ Գարսիան դարձել է Disney+-ում հաստատված առաջին տրանսգենդեր արտիստը։ Սերիալը կլինի 1988 թվականի համանուն ֆանտաստիկ ֆիլմի սփին-օֆֆը: Սյուժեի կենտրոնում արքայադուստրն է, որը գնում է փրկելու իր երկվորյակ եղբորը։
«Նկարահանումների ժամանակ Գարսիայի շատ գործընկերներ աջակցել են նրան»,- ասել են նախագծի հեղինակները։ Դերասանուհին խաղալու է թագուհու էպիզոդիկ դերը։
Այս պահին նոր շոուի թողարկման ստույգ ամսաթիվը հայտնի չէ։ Դրվագների քանակի մասին տեղեկությունները նույնպես բացակայում են։ Գարսիան առավել հայտնի է «Բատիստ» քրեական թրիլլերով: