Շոլցը հետաձգում է Ուկրաինային գերմանական տանկերի մատակարարման որոշումը
Գերմանիայի կանցլեր Օլաֆ Շոլցը հետաձգում է Ուկրաինային բարձր տեխնոլոգիական տանկեր տրամադրելու վերաբերյալ վերջնական որոշումը՝ չնայած ճնշմանը մյուս բարձրաստիճան պաշտոնյաների կողմից: Այս մասին գրում է Politico-ն՝ վկայակոչելով աղբյուրները։
Փոխկանցլեր եւ էկոնոմիկայի նախարար Ռոբերտ Հաբեկի եւ արտաքին գործերի նախարար Աննալենա Բուրբոքի կողմից ներկայացված պլանը մոտ 100 տանկի փոխանցում էր նախատեսում:
Ի սկզբանե այս հարցով որոշումը սպասվում էր այս շաբաթ։ Սակայն գործընթացն այժմ անորոշ վիճակում է, քանի որ կանցլերը, ի հիասթափություն իր իշխող կոալիցիայի գործընկերների, պնդում է, որ Գերմանիան նախ պետք է ընդհանուր հայտարարի հասնի արեւմտյան դաշնակիցների հետ այս հարցում, նախքան նման ծանր ռազմական տեխնիկա մատակարարելը, հայտարարել են պաշտոնյաները:
Ավելի վաղ գերմանացի պաշտոնյաները բացառել էին Կիեւին տանկեր նման ավելի բարդ արեւմտյան ռազմական տեխնիկայի մատակարարումը՝ չնայած Բեռլինի կողմից փետրվարին կայացված պատմական որոշմանն Ուկրաինային հակատանկային եւ զենիթային հրթիռներ մատակարարելու մասին՝ հիմնավորելով, որ ուկրաինացի զինվորներին դրանք օգտագործել սովորեցնելը շաբաթներ կամ ամիսներ կպահանջի։
Կանցլերի անորոշությունը բացասական արձագանք է առաջացրել կոալիցիոն գործընկերների՝ Կանաչների եւ լիբերալ Ազատ դեմոկրատական կուսակցության կողմից: Կառավարության անդամները զերծ են մնացել հանրային քննադատությունից: Բերբոքը միայն լրագրողներին հասկացրել է, որ կողմ է ավելի կատարյալ սպառազինության համակարգերի մատակարարմանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի