Նոր հարցեր են ծագել արքայազն Էնդրյուի կողմից թուրք գործարարին պարգեւատրելու առնչությամբ
Նոր հարցեր են ծագել արքայազն Էնդրյուի կողմից թուրք գործարարին պարգեւատրելու առնչությամբ։
Թուրք գործարար Սելման Թյուրքը մրցանակը ստացել է 2019 թ․ նոյեմբերին Յորքի դուքս Էնդրյուի կողմից Pitch@Palace միջոցառման ժամանակ, որի ընթացքում 40 ձեռներեցներ հանդես են եկել պրեզենտացիաներով՝ պոտենցիալ ներդրողներով լի դահլիճում։
Թյուրքն արժանացել է Ժողովրդի ընտրություն մրցանակին իր Heyman AI բիզնեսի համար, որը միլենիալների վրա կենտրոնացած թվային բանկ է, որը հետագայում սնանկացել է: Նրա հաղթանակը որոշվել է համացանցում հանրային քվեարկությամբ եւ այդ երեկո հեռուստադիտողների քվեարկությամբ:
Միջոցառման հաջորդ օրը Ամանդա Թիրսքը, որն այն ժամանակ թագավորական պալատի բարձրաստիճան անդամ էր, մտահոգություն է հայտնել, որ ձեռնարկատերերը կարող են խաբել համակարգը ։
Թերթի տրամադրության տակ հայտնված Թիրսքի հետ նամակագրության մեջ նրան հայտնել են, որ Heyman AI-ի հաղթանակը «ճիշտ չէր կամ իմաստ չունի»։
Միջոցառման մի շարք մասնակիցներ Guardian-ին ասել են, որ իրենք անսովոր են համարում Թյուրքի հաղթանակը Pitch@Palace-ում, քանի որ նա «հաղթել է մեծ տարբերությամբ», իսկ նրա ելույթը «սարսափելի» էր։
Դատական փաստաթղթերում ասվում է, որ Թյուրքը թուրք միլիոնատեր, 77-ամյա Նեբահաթ Իսբիլենին հրահանգել է վճարել Էնդրյուին 750 000 ֆունտ սթեռլինգ Pitch@Palace միջոցառումից ինը օր անց, իսկ դուքսը, ինչպես ենթադրվում է, մինչեւ 350 000 ֆունտ է ստացել Թյուրքի հետ կապված ընկերությունից:
Վճարման մանրամասները, որոնք դուքսը հրաժարվել է մեկնաբանել, առաջին անգամ հայտնվել են անցյալ շաբաթ գերագույն դատարանում ընդդեմ Թյուրքի Իսբիլենի գործում, ըստ որի՝ նա 40 միլիոն ֆունտի չափով խաբեություն է կատարել։
Գործի հայտնվելուց ի վեր հաղորդվել է, որ գործարարն առաջին անգամ հանդիպել է արքայազն Էնդրյուին 2019թ․ մայիս-հունիս ամիսներին Վինձոր ամրոցում՝ Pitch@Palace միջոցառումից մոտ կես տարի առաջ:
Միջոցառմանը ծանոթ աղբյուրն ասել է, որ նրանք կարծում էին, որ Թյուրքը ստացել է մինչեւ 10 000 ձայն, մինչդեռ որոշ այլ մասնակիցներ հավաքել են հարյուրավոր ձայներ:
Հաղորդվում է, որ Թյուրքը հանդիպել է արքայազն Էնդրյուին Լոնդոնում Pitch@Palace միջոցառումից հետո առնվազն երկու անգամ, այդ թվում՝ 2019թ․ դեկտեմբերի 5-ին Հարավային Քենսինգթոնում գտնվող Թյուրքի բնակարանում պոտենցիալ ներդրողների հետ ընթրիքի ժամանակ եւ 2020թ․ փետրվարին՝ թագավորական նստավայրում։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ