Պակիստանի վարչապետը հրաժարական է տվել
Պակիստանի վարչապետ Իմրան Խանը պաշտոնաթող է եղել այդ երկրի պառլամենտի ցրումից հետո։ Նա կշարունակի իրականացնել վարչապետի պարտականությունները, մինչեւ նոր ժամանակավոր վարչապետի նշանակումը։ Այս մասին տեղեկանում ենք Պակիստանի Նախարարների կաբինետի տարածած հայտարարությունից։
Ավելի վաղ Պակիստանի նախագահը, վարչապետի առաջարկով ցրել էր խորհրդարանը։ Դա տեղի էր ունեցել այն բանից հետո, երբ պառլամենտի փոխխոսնակ Քասիմ Սուրին մերժել էր վարչապետի հանդեպ անվստահություն հայտնելու գործընթացը, ինչն առաջացրել էր ընդդիմադիր կուսակցությունների դժգոհությունները, ովքեր իրենց հերթին հայտարարել էին, որ դատարանում վիճարկելու են այդ որոշումը։ Նոր պառլամենտական ընտրությունները Պակիստանում կանցկացվեն 90 օր անց։