Վրաստանը տնտեսական պատժամիջոցներ չի սահմանի Ռուսաստանի դեմ. Ղարիբաշվիլի
Վրաստանը տնտեսական պատժամիջոցներ չի սահմանի Ռուսաստանի դեմ: Այս մասին այսօր Աջարիա կատարած այցի ժամանակ հայտարարել է Վրաստանի վարչապետ Իրակլի Ղարիբաշվիլին, հաղորդում է «Նովոստի Գրուզիա»-ն:
Ղարիբաշվիլին բազմիցս կրկնել է, որ Վրաստանը չի միանալու հակառուսական պատժամիջոցներին, քանի որ դա հակասում է երկրի ազգային շահերին:
«Եվս մեկ անգամ ցանկանում եմ պարզաբանել: Ռուսաստանի նկատմամբ տնտեսական պատժամիջոցների սահմանում Վրաստանի կողմից տեղի չի ունենա: Մենք, մեր թիմը առաջնորդվում ենք մեր երկրի ազգային շահերով, մեր ժողովրդի շահերով»,- ասել է Ղարիբաշվիլին:
Վերջինս հավելել է, որ վերջին 30 տարում Վրաստանի տարածքում երեք անգամ ռազմական հակամարտություններ են տեղի ունեցել: Ղարիբաշվիլին կարծում է, որ սխալները չկրկնելու համար մեծ զգուշություն է պետք դրսեւորել:
«Մեր քաղաքականությունն ուղղված է խաղաղությանը: Մենք խաղաղություն, կայունություն եւ զարգացում ենք ցանկանում: Դա այսօր պետք է մեր երկրին, պատերազմը ոչ մեկին պետք չէ: Ցանկացած հայրենասեր ղեկավար պետք է անի ամեն ինչ պատերազմից խուսափելու համար»,- ասել է վրացի վարչապետը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ