Ճապոնիան նոր պատժամիջոցներ է սահմանել Հյուսիսային Կորեայի դեմ
Ճապոնիայի կառավարությունը հաստատել է նոր պատժամիջոցները Հյուսիսային Կորեայի դեմ՝ վերջինիս կողմից միջմայրցամաքային բալիստիկ հրթիռի փորձարկման հետ կապված:
Ճապոնիան արդեն արգելք է սահմանել առեւտրի եւ նավերի մուտքի վրա Փհենյանի դեմ միակողմանի պատժամիջոցների շրջանակներում: Նոր պատժամիջոցները տարածվել են « միջուկային եւ հրթիռային մշակմամբ զբաղվող չորս ձեռնարկության եւ ինը մարդու վրա»։
Իրավաբանական եւ ֆիզիկական անձանց ակտիվները կսառեցվեն, լրագրողներին ասել է կառավարության բարձրաստիճան պաշտոնյա Հիրոկազու Մացունոն։
Ավելի վաղ Վաշինգտոնը ՄԱԿ-ի Անվտանգության խորհրդում կոչ էր արել «Փհենյանի դեմ պատժամիջոցների ռեժիմը երկարաձգելու եւ ուժեղացնելու բանաձեւ ընդունել»՝ 2017 թվականից ի վեր Փհենյանի կողմից միջմայրցամաքային բալիստիկ հրթիռի առաջին արձակումից հետո:
Հյուսիսային Կորեան հայտարարել է, որ արձակումը Hwasong-17 հեռահար հրթիռի հաջող փորձարկում դարձավ, որը, վերլուծաբանների կարծիքով, կարող է մի քանի մարտագլխիկ կրել:
Սակայն Հարավային Կորեայի պաշտպանության նախարարությունը AFP-ին ասել է, որ Սեուլը եւ Վաշինգտոնն այն եզրակացության են հանգել, որ իրականում արձակումն իրականացվել էր Hwaseong-15 միջմայրցամաքային բալիստիկ հրթիռով, որը Փհենյանը փորձարկել էր 2017 թվականին:
Այնուամենայնիվ, փորձագետները նշում են, որ արձակումը զգալի առաջընթաց է ցույց տվել:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ