Ռուսաստանը ծրագիր կմշակի, եթե եվրոպական երկրները հրաժարվեն գազային պայմանագրերից․ Պեսկով

Ռուսաստանը ծրագիր կմշակի, եթե եվրոպական երկրները հրաժարվեն գազային պայմանագրերից։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը։

«Իհարկե»,- ասել է նա՝ պատասխանելով համապատասխան հարցին։

«Անվճար գազ չկա»,- ընդգծել է Պեսկովը։

Նրա խոսքով՝ Ռուսաստանը շահագրգռված է արտասահմանում իր գազը վաճառելու մեջ եւ մտադիր է մնալ հուսալի մատակարար։ «Ռուսաստանը եղել է, կա եւ կմնա էներգառեսուրսների հուսալի մատակարար, եւ Ռուսաստանը շահագրգռված է իր գազը վաճառելու հարցում»,- ասել է նա։

Նա նշել է, որ արտասահմանյան ընկերությունները պետք է հասկանան, որ եվրոյով եւ դոլարով կարող են գնել ռուբլի եւ վճարել դրանով գազի դիմաց, դե ֆակտո ոչինչ չի փոխվել։

Պեսկովը հավելել է, որ Ռուսաստանն անվճար գազ չի մատակարարի։ «Ոչ ոք անվճար գազ չի մատակարարի, դա ուղղակի անհնար է, եւ դրա համար կարելի է վճարել միայն ռուբլով»,- ասել է Պեսկովը։