Հայկ Մամիջանյան. ՌԴ-ի եւ Բաքվի երկխոսությամբ Ղարաբաղում իրավիճակի հանգուցալուծմանը սպասելը քաղաքական միամտություն է
Ռուսաստանի եւ Ադրբեջանի քաղաքական երկխոսության միջոցով Ղարաբաղում իրավիճակի հանգուցալուծմանը սպասելը քաղաքական միամտություն է. Այս մասին մարտի 28-ին լրագրողների հետ հանդիպման ժամանակ, խոսելով Ղարաբաղում տիրող իրավիճակի մասին, ասաց ԱԺ «Պատիվ ունեմ» ընդդիմադիր խմբակցության քարտուղար Հայկ Մամիջանյանը:
Նրա խոսքով՝ Ադրբեջանի զինված ուժերի օպերատիվ վերահսկողության մեծ տոկոսը փոխանցվել է Թուրքիային։ Ուստի միամտություն է կարծել, որ Ղարաբաղում իրավիճակը կարող է լուծվել ռուսական եւ ադրբեջանական կողմերի երկխոսության հիման վրա։ «Իրական պատասխանները կարող են հայտնվել միայն Մոսկվայի եւ Անկարայի միջեւ բանակցությունների արդյունքներից հետո, որոնք սարի հետեւում չեն։ Ղարաբաղում արդեն կասկածներ չունեն, որ Հայաստանի իշխանությունները վերջնականապես լվացել են ձեռքերը: Հայաստանի իշխող վերնախավի բոլոր հայտարարությունները Ղարաբաղի վերաբերյալ միայն թոզ փչելու համար են՝ ոչ ավելին»,- նշեց ընդդիմադիրը: