Ռեփեր Face-ը որոշել է իր երգերը հանել ռուսական սթրիմինգային ծառայություններից
Ռուսաստանից հեռացած ռեփեր Face-ը (իսկական անունը՝ Իվան Դրեմին) Telegram-ալիքում հայտարարել է, որ իր երգերն այլեւս հասանելի չեն լինի ռուսական սթրիմինգային ծառայություններում:
«Ռուսական սթրիմինգային հարթակներում իմ երաժշտությունն այլեւս չկա», - գրել է երաժիշտը՝ իր որոշումը բացատրելով «ստեղծված իրավիճակով»:
Հունվարի սկզբին Դրեմինը հեռացել է Ռուսաստանից։ Ավելի վաղ նա հայտարարել էր Կրասնոյարսկում եւ Նովոսիբիրսկում աշնանային համերգների չեղարկման մասին: Արտիստն իրավիճակը կապել է իր քաղաքացիական դիրքորոշման, իսկ կազմակերպիչները՝ կորոնավիրուսային սահմանափակումների հետ։