Շոյգուն կոչ է արել պահպանել զորքերին ռոբոտների եւ ՌԷՊ միջոցների մատակարարման տեմպերը
ՌԴ պաշտպանության նախարար Սերգեյ Շոյգուն կոչ է արել պահպանել զորքերին ռոբոտների եւ ռադիոէլեկտրոնային պայքարի միջոցների մատակարարման տեմպերը, հաղորդում է «Интерфакс»-ը։
«Հաշվի առնելով հատուկ ռազմական գործողության անցկացումը՝ այս տարի անհրաժեշտ է պահպանել զորքերին առաջադեմ սպառազինություն մատակարարելու տեմպերը՝ ներառյալ ռոբոտային համակարգերը, տեղեկատվական ապահովման միջոցները, ՌԷՊ միջոցները, ինչպես նաեւ, բնականաբար, նյութատեխնիկական ապահովումը»,- ասել է Շոյգուն։
Նրա խոսքով՝ այս պահին «վարկային միջոցների օգտագործմամբ սպառազինության եւ տեխնիկայի մատակարարումը» շարունակվում է։
«Առաջնահերթություն է գերճշգրիտ հեռահար սպառազինությունը, ավիացիոն տեխնիկան, ինչպես նաեւ ռազմավարական միջուկային ուժերի մարտունակության պահպանումը»,- նշել է նախարարը։
«Չնայած հակառուսական պատժամիջոցներին՝ այսօր պետական պայմանագրերի կնքման մակարդակը կազմում է 85 տոկոս, ապրիլին մենք ամբողջությամբ կավարտենք այդ աշխատանքը»,- հավելել է նա։
Շոյգուն նաեւ նշել է, որ նախարարությունն «ամբողջությամբ կատարում է անձնակազմի նկատմամբ բոլոր սոցիալական պարտավորությունները՝ հաշվի առնելով համապատասխան ինդեքսավորումների վերաբերյալ ընդունված որոշումները»։
«Բացի այդ, հաստատվել են «Վետերանների մասին» օրենքում փոփոխությունները, ըստ որոնց՝ Ուկրաինայում հատուկ ռազմական գործողության մասնակիցները ճանաչվում են մարտական գործողությունների վետերաններ։ Աջակցություն կտրվի նաեւ այս կատեգորիայի զինծառայողների հարազատներին»,- հավելել է ռուս նախարարը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ