ԵՄ-ն կավելացնի Ուկրաինային ֆինանսական օգնությունն ու զենքի մատակարարումները
Եվրամիությունը կավելացնի Ուկրաինային ֆինանսական օգնությունն ու զենքի մատակարարումները, հայտարարել է Գերմանիայի արտաքին գործերի նախարար Աննալենա Բերբոքը, փոխանցում է CNN-ը։
«Մենք ռազմական ապրանքների գնման ֆինանսավորումը կավելացնենք մինչեւ 1 մլրդ եվրո, որպեսզի հասկանալի լինի, որ լիովին համերաշխ ենք Ուկրաինայի հետ, մենք հանդես ենք գալիս Ուկրաինայի խաղաղ բնակչության պաշտպանության օգտին»,- ասել է Բերբոքը:
Գերմանիան նաեւ կհետեւի, որ գերմանական արտադրողների զենքի վաճառքը հնարավորինս արագ իրականացվի։ «Ուկրաինային ավելի շատ զենք է պետք»,- ասել է նա, սակայն անվտանգության նկատառումներից ելնելով՝ ոչ մի մանրամասնություն չի ներկայացրել:
Նրա խոսքով, դաշինքը պետք է կանխի պատերազմի տարածումը այլ երկրներում։ «Մենք պատասխանատվություն ենք կրում ուկրաինացիների առջեւ, բայց նաեւ պատասխանատվություն ենք կրում 450 մլն եվրոպացիների եւ նրանց առջեւ, ովքեր ՆԱՏՕ-ի անդամ են»,- հավելել է նա։ «Մենք չենք կարող մեզ վրա պատասխանատվություն վերցնել այն բանի համար, որ այլ երկրներում նոր ռազմական գործողություններ կլինեն»։