Բրիթնի Սփիրսը վեց տարվա ընթացքում առաջին անգամ սկսել է երգեր գրել

Փոփ երգչուհի Բրիթնի Սփիրսը մոտ ժամանակներս պատրաստվում է նոր ալբոմ թողարկել, հայտնում է The Sun-ը՝ վկայակոչելով իր աղբյուրը: Արտիստուհին երաժշտական արվեստով չի զբաղվել վերջին 6 տարիներին։

Բրիթնին ժամկետներ չի սահմանել, սակայն նրա օգնականներն ակտիվորեն փնտրում են մարդկանց, որպեսզի նրանց կցեն թիմին: «Երգչուհին հիշել է մի քանի մարդու, որոնց հետ իրեն հարմար կլիներ աշխատել: Երգչուհու թիմը կապվել է նրանց հետ, եւ բոլորը դրական պատասխան են տվել։ Այն բանից հետո, երբ ամբողջ աշխարհը մտահոգված էր նրա պայքարի համար, նոր երաժշտության ձայնագրման գործում նրան օգնելը պատիվ է», — հայտնել է ինսայդերը։

Համարվում է, որ նոր երգերի ստեղծումը երգչուհուն կօգնի «նոր կյանք սկսել» այն բանից հետո, երբ նա մի շարք բարդ փորձությունների միջով է անցել։