«Ո՞ւր են այդ հայրենասերները»․ Ավրաամ Ռուսոն կտրուկ է արտահայտվել ռուս արտիստների մասին
Երգիչ Ավրաամ Ռուսոն կտրուկ է արտահայտվել արտիստների մասին, որոնք Ուկրաինայում ռազմական օպերացիան սկսելուց հետո հեռացել են Ռուսաստանից։ Նրանց խոսքով՝ իրենք վաղուց էին պատրաստվում հանգստանալ արտասհամանում։ Երաժիշտը հուզառատ հայտարարել է, որ չի հարգում նրանց, ովքեր բարդ ժամանակներում թողել են Ռուսաստանը։
«Ի՞նչ հանգիստ։ Բոլորը փախել են շների նման, ես ասում եմ նրանց ճակատին։ Ո՞ւր են նրանք՝ այդ հայրենասերները»,- «Կոմսոմոլսկայա պրավդա»-ի հետ զրույցում նշել է 52-ամյա երաժիշտը։
Ռուսոն այժմ Ամերիկայում է, նրան բարդ վիրահատություն է սպասվում։ 2006թ․-ին երգչի մեքենայի վրա հրացանով կրակել են։ Նա հոսպիտալացվել է, շատ արյուն կորցրել։ Այդ ժամանակվանից ի վեր Ռուսոն ստիպված է ամեն օր կոմպրեսիոն ներքնազգեստ կրել, քանի որ նրա ոտքի հատվածում արյան շրջանառությունը նորմալ չի կատարվում։ Երաժիշտը խոստովանել է, որ իրեն անդամահատում է սպառնացել։
Ավելի վաղ Ռուսաստանը լքել են հեռուստահաղորդավար Իվան Ուրգանտը, լրագրող Քսենիա Սոբչակը, երգչուհի Ժասմինը, երգչուհի Ալլա Պուգաչովան եւ նրա ամուսինը՝ շոումեն Մաքսիմ Գալկինը եւ այլք։