Բուլղարիայի ԱԳՆ-ն 10 ռուս դիվանագետների «պերսոնա նոն գրատա» է հայտարարել
Բուլղարիայի ԱԳՆ-ն 10 ռուս դիվանագետների «պերսոնա նոն գրատա» է հայտարարել եւ նրանց 72 ժամ տվել երկիրը լքելու համար՝ կապված «դիվանագիտական կարգավիճակի հետ անհամատեղելի գործողությունների» հետ, հաղորդում է Reuters-ը։
Բուլղարիայի արտաքին գործերի նախարարությունը հայտնել է, որ վտարման մասին խորհրդակցություն է անցկացվել վարչապետ Կիրիլ Պետկովի հետ, այդ մասին տեղեկացվել է նաեւ Սոֆիայում Ռուսաստանի դեսպանը։
Սա Բուլղարիայից ռուս դիվանագետների արտաքսման երկրորդ ալիքն է։ Մարտի 2-ին Սոֆիան լրտեսության մեջ մեղադրանքով արտաքսել է երկու ռուս դիվանագետների։