ԱՄՆ-ն եւ ՆԱՏՕ-ի մյուս անդամները հայտարարել են, որ կշարունակեն օգնել Ուկրաինային
Միացյալ Նահանգները եւ ՆԱՏՕ-ի մյուս անդամները հայտարարել են, որ կշարունակեն օգնել Ուկրաինային, ինչպես նաեւ կհարմարեցնեն դաշինքի սեփական անվտանգությունը «նոր իրականությանը», հայտնում է Reuters-ը։
Դիվանագետների ու ռազմական վերլուծաբանների գնահատականներով՝ ուկրաինական ճգնաժամի սկզբից ՆԱՏՕ-ի դաշնակիցներն ավելի քան 20 հազար միավոր հակատանկային եւ այլ զինատեսակներ են ուղարկել Ուկրաինա:
«Մենք շարունակում ենք միասնական մնալ Ուկրաինային աջակցելու հարցում»,- ասել է պաշտպանության նախարար Լլոյդ Օսթինը Բրյուսելում ՆԱՏՕ-ի պաշտպանության նախարարների արտակարգ խորհրդակցությանը ժամանելիս:
ՆԱՏՕ-ի երկրները կշարունակեն զենք մատակարարել Ուկրաինային, թեեւ այդ մատակարարումները կարող են ռուսական հարձակումների թիրախ դառնալ, լրագրողներին ասել է Նիդեռլանդների պաշտպանության նախարար Կաիսա Օլլոնգրենը՝ հավելելով. «Ուկրաինան ինքնապաշտպանության իրավունք ունի»։
Նախարարները կլսեն նաեւ իրենց ուկրաինացի գործընկեր Օլեքսի Ռեզնիկովին, ով ակնկալվում է, որ ավելի շատ զենք կխնդրի ՆԱՏՕ-ի առանձին երկրներից:
Մարտի 24-ին կայանալիք ՆԱՏՕ-ի ղեկավարների գագաթնաժողովից առաջ ՆԱՏՕ-ի պաշտպանության նախարարները մտադիր են նաեւ ռազմական հրամանատարներին հանձնարարել Ռուսաստանին զսպելու նոր ուղիների պլաններ մշակել, այդ թվում՝ Արեւելյան Եվրոպայում լրացուցիչ զորքերի եւ հակահրթիռային պաշտպանության համակարգերի տեղակայման միջոցով:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա