Ջուսի Սմոլեթը 150 օր բանտում կանցկացնի իր դեմ հարձակումը բեմադրելու համար
«Կայսրություն» սերիալի աստղը Ջուսի Սմոլեթն իր նկատմամբ հարձակումը բեմադրելու պատճառով դատապարտվել է 30 ամիս պայմանական ազատազրկման եւ 150 օր բանտարկության։ Դերասանը ոստիկանությանը հայտնել էր, թե երկու տղամարդ հարձակվել է իր վրա՝ ռասիստական եւ հոմոֆոբ վիրավորանքներ հնչեցնելով։
CNN-ի հաղորդմամբ՝ Ջուսին հայտարարել է, որ հանցագործները ցանկացել են խեղդել իրեն եւ իր վրա սպիտակեցնող նյութ են լցրել։ Միայն թե գովազդվելու փորձը ֆիասկոյի է հանգեցրել։ Դերասանը ստիպված կլինի նաեւ 120 հազար դոլար տուգանք վճարել եւ եւս 25 հազար դոլար՝ ոստիկանությունում սուտ ցուցմունք տալու համար։
«Դուք անպատկառություն, եսասիրություն եւ նարցիսիզմ ունեք, դա ամոթալի է։ Դուք ռասիզմի եւ հոմոֆոբիայի զոհ չեք, դուք պարզապես խաբեբա եք, որը զոհ է ձեւանում, ինչ ամոթ»,- կես ժամ տեւած խոսքում ասել է դատավորը։