Կրասնոդարի երկրամասում ավտոբուսի վթարի զոհերի թիվը հասել է 19-ի. հայ վարորդը ձերբակալված է (տեսանյութ)
Հիվանդանոցում մահացել է Կրասնոդարի երկրամասում բանվորներ տեղափոխող ավտոբուսի վթարի հետևանքով վիրավորներից մեկը, այսպիսով՝ զոհերի թիվը հասել է 19-ի: Այդ մասին հայտնում է «ՌԻԱ Նովոստի»-ն՝ վկայակոչելով երկրամասի արտակարգ ծառայություններում աղբյուրի:
«Սև ծովի ավազան ավտոբուսի ընկնելու հետևանքով զոհվել է 19 մարդ, վիրավորներից մեկը մահացել է բուժհաստատությունում։ Հիվանդանոցում է մնում 19 մարդ»,- ասել է գործակալության զրուցակիցը:
ՌԴ Կրասնոդարի երկրամասում տեղի ունեցած վթարի պատճառն, ինչպես հաղորդվում է, ավտոբուսի արգելակների անսարքությունն է եղել:
Ինչպես հայտնել է Ռուսաստանի քննչական կոմիտեն, դատարանը կալանավորել է շուռ եկած ավտոբուսի վարորդ Կարապետ Միքայելյանին, ինչպես նաև անհատ ձեռներեց Յուրի Վեչերաձեին: Հարուցվել է քրեական գործ՝ «Տրանսպորտային միջոցների շահագործման կանոնների խախտման» և «Անվտանգության պահանջներին չհամապատասխանող ծառայությունների տրամադրման» մասին հոդվածներով:
Հիշեցնենք, որ պատահարը տեղի է ունեցել օգոստոսի 25-ին՝ տեղի ժամանակով ժամը 8:20-ին, Կրասնոդարի երկրամասի Տեմրյուկի շրջանում: Փոխադրամիջոցում եղել են «Таманьнефтегаз» ընկերության բանվորները: Ավտոբուսը կամրջի վրայից ընկել է ջուրը: Ավտոբուսում եղել է մոտ 50 մարդ:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Մեղավոր է ճանաչվել Ռուսաստանի օգտին լրտեսության մեջ
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Հայաստանը առաջին անգամ հյուրընկալել է «Կոնկուրս Մոնդիալ դե Բրյուսել» գինու համտես-մրցույթը
Երեւանում եւս ժամանակ առ ժամանակ սպասվում է անձրեւ եւ ամպրոպ
Ռուսական գազի գինը Հայաստանի համար չի կարող թանկանալ
ՃՏՊ Երեւանի կենտրոնում` մահվան դեպքով
Մեկնարկել է Ռազմական սպորտի օրվան նվիրված փոխանցումավազքը