Թրամփը Վաշինգտոնում ԱԻ ռեժիմ է հայտարարել

ԱՄՆ նախագահ Դոնալդ Թրամփը արտակարգ իրավիճակի ռեժիմ է հայտարարել եւ Վաշինգտոնի իշխանություններին դաշնային օգնություն հատկացրել՝ կապված հունվարի 20-ին երդմնակալությունից առաջ նորընտիր նախագահ Ջոզեֆ Բայդենի անվտանգության ապահովման ջանքերի հետ: Այս մասին նշված է Սպիտակ տան տարածած փաստաթղթում:

«Այսօր [երկուշաբթի] նախագահ Դոնալդ Թրամփը հայտարարել է [մայրաքաղաքային] Կոլումբիա շրջանում արտակարգ իրավիճակի մասին եւ կարգադրել է դաշնային օգնություն հատկացնել՝ համալրելու համար նախագահի 59-րդ երդմնակալության հետ կապված արտակարգ իրադրության առաջացմանը արձագանքելու շրջանի ջանքերը, որը տեւելու է 2021 թվականի հունվարի 11-24-ը»,- նշել են Սպիտակ տանից: Հանգստյան օրերին վաշինգտոնյան վարչակազմին համապատասխան խնդրանքով դիմել էր մայրաքաղաքի քաղաքապետ Մյուրիել Բոուզերը Կոնգրեսում անկարգություններից հետո պոտենցիալ սպառնալիքների պատճառով, փոխանցում է ՏԱՍՍ-ը:

Այս որոշումը դաշնային իշխանություններին թույլ կտա արագացված ռեժիմում միջոցներ հատկացնել քաղաքին օգնություն ցույց տալու համար: Ընդ որում՝ 44-րդ նախագահ Բարաք Օբաման համանման հայտարարությամբ հանդես չէր եկել Թրամփի երդմնակալությունից առաջ: Պետության ղեկավարները սովորաբար այդ կարգի ԱԻ են մտցնում տարերային աղետների հետեւանքների վերացման համար օգնություն ցուցաբերելու համար: