Արքայազն Չարլզը էկոգագաթնաժողովում ընկերություններին կոչ կանի էկոլոգիայի մեջ 10 մլրդ դոլարի ներդրում կատարել
Երկուշաբթի բրիտանական գահի ժառանգորդ Ուելսի քարքայազն Չարլզը One Planet («Մեկ մոլորակ») գագաթնաժողովում մասնավոր հատվածի ներկայացուցիչներին կոչ կանի տարվա ընթացքում 10 մլրդ դոլարի ներդրում կատարել շրջակա միջավայրի պաշտպանության մեջ, հայտնում է The Daily Telegraph-ը:
Պարբերականը նշում է, որ այս կոչի նպատակն է ընկերություններին դրդել միջոցներ հատկացնել լանդշաֆտի, անտառների վերականգնման եւ ածխածնի արտանետումների փոխհատուցման նախագծերին:
Շրջակա միջավայրի պաշտպանության մեջ ներդրումներ կատարելու կոչը արքայազնի Terra Carta նոր էկոլոգիական նախագծի շրջանակում միջոցառումներից մեկն է: Նախաձեռնությունը ընկերությունների համար պարունակում է հաջորդ տասնամյակում դեպի ավելի էկոլոգիական ապագա շարժվելու հանձնարարականներ:
Գագաթնաժողովում ելույթի ժամանակ Չարլզը մտադիր է ամբողջ աշխարհի մասնավոր հատվածի ներկայացուցիչներին կոչ անել սատարել նախագիծը, որ «գալիք տասնամյակում բարգավաճումը ներդաշնակվի բնության, մարդկանց եւ մոլորակի հետ»:
Ամենամյա One Planet չորրորդ գագաթնաժողովը, որ նվիրված է Երկրի բազմազանության եւ նրա կլիմայի պաշտպանության հարցերին, բացվելու է երկուշաբթի՝ Ֆրանսիայի նախագահությամբ, տեսակոնֆերանսի ձեւաչափով: Օրվա ընթացքում վիրտուալ հարթակում ելույթ են ունենալու 20-ից ավելի քաղաքական առաջնորդներ, ինչպես նաեւ միջազգային կազմակերպությունների ներկայացուցիչներ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները