Ռուսաստանում մեկ օրվա ընթացքում հայտնաբերվել է կորոնավիրուսով վարակման 26 301 դեպք

Ռուսաստանում մեկ օրվա ընթացքում կորոնավիրուսով վարակման դեպքերի թիվն աճել է 26 301-ով՝ հասնելով ընդհանուր առմամբ 3 212 637-ի: Այդ մասին հայտնել են նոր վարակի դեմ պայքարի դաշնային օպերատիվ շտաբում:

Մեկ օր առաջ հայտնի էր դարձել 27 039 հայտնաբերված դեպքի մասին: Վարակվածների թվի աճը դանդաղել է 0.8 տոկոսով:

Մասնավորապես, մեկ օրում Մոսկվայում հայտնաբերվել է կորոնավիրուսով վարակման 5 452 նոր դեպք: Մայրաքաղաքում ընդհանուր առմամբ հայտնաբերվել է 821 128 վարակված: Մայրաքաղաքում մահվան դեպքերի թիվը մեկ օրում ավելացել է 76-ով:

Ռուսաստանում կորոնավիրուս ախտորոշմամբ դուրս գրված պացիենտների թիվը մեկ օրում ավելացել է 18 897-ով: Ընդհանուր առմամբ առողջացել է 2 599 035 մարդ: Հայտնի է, որ առողջացածների թիվը հասել է 80.9 տոկոսի՝ ի համեմատություն վարակվածների ընդհանուր թվի:

Ռուսաստանում մեկ օրվա ընթացքում կորոնավիրուսի պատճառով մահվան դեպքերի թիվն ավելացել է 447-ով, մինչդեռ դրանից մեկ օր առաջ այդ թիվը կազմել է 536: Վարակի հետեւանքով ընդհանուր առմամբ մահացել է 58 002 պացիենտ: Հիվանդության պայմանական մահացությունը գտնվում է 1,81 տոկոսի՝ համաձայն շտաբի տվյալների: