Խորվաթիայում երկրաշարժի հետեւանքով երեխա է զոհվել, կան փլուզումներ
Զագրեբից հարավ-արեւելք գտնվող Պետրինյա քաղաքում երկրաշարժի հետեւանքով երեխա է զոհվել, հաղորդում է ՏԱՍՍ-ը՝ հղում անելով Jutarnji list-ին:
Ըստ տեղեկությունների՝ կան բազմաթիվ փլուզումներ: Ենթադրաբար, վնասվել է տեղի հիվանդանոցը եւ մանկապարտեզը:
Քաղաքապետ Դարինկո Դումբովիչի խոսքով՝ փլուզվել է քաղաքի գրեթե կեսը:
Ստորգետնյա ցնցումները շարունակվում են երկուշաբթի առավոտվանից:
Երկրաշարժի էպիկենտրոնը գտնվել է երկրի մայրաքաղաք Զագրեբից 46 կմ հարավ-արեւելք (բնակչությունը` շուրջ 698 հազար մարդ): Օջախը տեղակայված է 10 կմ խորության վրա: