Պարսից ծոցի երկրների ԱԳ նախարարները կքննարկեն հարաբերությունների կարգավորումը տարածաշրջանում կայունության համար
Պարսից ծոցի արտաքին գործերի նապարարները կանցկացնեն հանդիպում առցանց ձեւաչափով, որը կազմակերպված է Բահրեյնի նախաձեռնությամբ դիվանագիտական հակազդությունը դադարեցնելուն ուղղված քայլերի համար, որը «ձախողել է կայունությունը եւ խոչընդոտել Վաշինգտոնի ջանքերին ձեւավորել միասնական ճակատ Իրանի դեմ»,-հաղորդում է Reuters-ը:
Սաուդյան Արաբիան, Արաբական Միացյալ Էմիրատները եւ Բահրեյնը խզել էին դիվանագիտական հարաբերությունները Քաթարի հետ 2017 թվականին՝ մեղադրելով այդ երկիրն ահաբեկչական կազմակերպություններին աջակցելու մեջ: Դոհան հերքել էր բոլոր մեղադրանքները՝ իր հերթին մեղադրելով իր հարեւաններին իր ինքնիշխանությունը սահմանափակելու ձգտման մեջ:
Սակայն Սաուդյան Արաբիան պնդում է այդ վեճը լուծելու ուղղությամբ՝ ձգտելով մեղմել քննադատությունն ԱՄՆ ընտրված նախագահ Ջո Բայդենի կողմից, որը խոստացել է զբաղեցնել ավելի կոշտ դիրքորոշում թագավորության նկատմամբ, քան Դոնալդ Թրամփը:
«Բանակցություններ են վարվում հնարավոր համաձայնագրի մասին, սակայն դրանք դեռեւս շարունակվում են»,-հայտնել է Պարսից ծոցի երկրների ներկայացուցիչներից մեկը:
Դոհային ներկայացվել էր 13 պահանջ՝ սկսած Al-Jazeera հեռուստաընկերության եւ ռազմական բազայի փակումից մինչեւ «Մուսուլման եղբայրների» հետ կապերի խզումն ու Իրանի հետ կապերի մակարդակի կրճատումը:
Սաուդյան Արաբիայի ԱԳ նախարար, թագաժառանգ Ֆեյսալ բեն Ֆահրան ալ Սաուդը հայտարարել է, որ Քաթարի հետ վեճի կարգավորումը հասանելի է, երբ Քուվեյթը հայտարարել էր այդ վեճը դադարեցնելու առաջընթացի մասին: