Թող Բարձրյալի որդին սատարի Ղարաբաղում հրադադարի ռեժիմի պահպանման ջանքերին. Հռոմի պապ
Հռոմի պապ Ֆրանցիսկոսը կրկին պատվաստանյութի արդարացի բաշխման կոչ է արել: Նա այդպիսի ուղերձով է հանդես եկել ուրբաթ իր ավանդական ծննդյան Urbi et orbi ելույթում՝ Ծննդյան տոնի առիթով շնորհավորելով աշխարհի բոլոր կաթոլիկներին, փոխանցում է ՏԱՍՍ-ը:
«Կորոնավիրուսի դեմ պատվաստանյութը պետք է ստանան բոլորը, առաջին հերթին թույլերն ու կարիքավորները: Մենք պատվաստանյութի հարցերում չպետք է թույլ տանք ազգայնականության եւ անհատապաշտության դրսեւորումներ»,- ասել է պոնտիֆիկոսը: Նա նաեւ նշել է, որ չպետք է տրվել «շուկայի եւ արտոնագրերի օրենքներին, դրանք վեր դասել սիրո օրենքներից»:
Ֆրանցիսկոսը նաեւ Աստծուն խնդրել է օգնել բոլորին Լեռնային Ղարաբաղում եւ Ուկրաինայի արեւելքում խաղաղության պահպանման համար: Հռոմի կաթոլիկ եկեղեցու ղեկավարը քաղաքացիական հակամարտությունների այս կետերը հիշատակել է Լիբանանի, Լիբիայի, Սիրիայի, Իրաքի, Եմենի, Մերձավոր Արեւելքի, Միջերկրական ծովի արեւելյան հատվածի, ինչպես նաեւ աֆրիկյան երկրների ու իր հայրենի հարավամերիկյան աշխարհամասի հետ միասին, որը հատկապես տառապում է համավարակից:
Իտալիայի իշխանությունների մտցրած սահմանափակումների պատճառով պապական ուղերձը հեռարձակվել է հեռուստատեսությամբ եւ համացանցով, իսկ ինքը՝ պոնտիֆիկոսը չի եղել, ինչպես ընդունված է, Սուրբ Պետրոսի տաճարի պատշգամբում, այլ Առաքելական պալատի օրհնության դահլիճում:
«Ներկայիս պատմական պահին, որը նշանավորվել է էկոլոգիական ճգնաժամով, տնտեսական եւ սոցիալական անհավասարությամբ, որը խորանում է կորոնավիրուսի համավարակով, մենք ինչպես երբեք կարիք ունենք եղբայրության դրսեւորման, որը հիմնված է անկեղծ սիրո, քեզնից ավելի լավ [մարդուն] ընդունելու, նրա տառապանքին կարեկցելու, մեկի մասին հոգ տանելու կարողության վրա, ով չի պատկանում իմ ընտանիքին, ազգությանը, կրոնին: Նա ուրիշ է, բայց, միեւնույն է, իմ եղբայրն է կամ իմ քույրը»,- ասել է Ֆրանցիսկոսը:
«Թող Բարձրյալի որդին սատարի միջազգային հանրության եւ այն երկրների ջանքերին, որոնք ներգրավված են Լեռնային Ղարաբաղում հրադադարի ռեժիմի պահպանման գործում, ինչպես նաեւ Ուկրաինայի արեւելքում, հօգուտ երկխոսության, հաշտեցման տանող միակ ճանապարհի»,- նշել է պոնտիֆիկոսը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ