Զատուլին. Ղարաբաղյան հակամարտության կարգավորման ամենաընդունելի տարբերակը փաթեթայինն է
Փաթեթային տարբերակը, կարծես, ամենաընդունելին է ղարաբաղյան հակամարտության կարգավորման տեսանկյունից: Դա պետք է լիներ Արցախի շրջակայքում 7 շրջանների` Ադրբեջանին անցնելու եւ Արցախի կարգավիճակի որոշման տեսքով: Այս մասին դեկտեմբերի 24-ին Ռուսաստանի հայերի միության կողմից կազմակերպված քննարկման ժամանակ ասաց Ռուսաստանի Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը: «Խաղաղության հասնելու համար ես այլ հնարավորություններ չեմ տեսնում: Ստեղծված իրավիճակում հայկական կողմի համար այդքան էլ նպատակահարմար չէր լինի բանակցել` հաշվի առնելով առկա ձախողումները:
Այս հարցին վերադառնալ հնարավոր կլինի միայն Հայաստանում ներքաղաքական իրավիճակի կայունացումից հետո»,- ասել է պատգամավորը: Ինչ վերաբերում է ներկայիս ստատուս քվոյին, ապա, նրա խոսքով, որ բոլոր խախտումները պետք է կանխվեն: «Ինձ թվում է` հենց այդպիսի մանդատն է ունի ռուսական խաղաղապահ զորախումբը: Վերջին պատերազմի նախաձեռնողները, անկասկած, Թուրքիան եւ Ադրբեջանն են: Հիմնական օգտվողն իրավիճակից եւ խաղաղության խախտողը ոչ մի պատասխան չի ստացել, ինչը, ի թիվս այլ կետերի, Թուրքիայի շահերի առաջ տանողն է Կովկասում: Սա վտանգավոր մրցակցություն է Ռուսաստանի համար: Հետկոնֆլիկտային միջավայրի ֆոնին եւ հայկական կողմի պարտության արդյունքում փորձ է արվում ինչ-որ բան առաջ տանել, ինչ-որ բան քերել, նկատելի է ձգտումն օրինականացնել թուրքական զինուժի ներկայությունն Արցախում դիտորդական կենտրոնի տեսքով»,- նշել է Զատուլինը:
Ինչ վերաբերում է Ալիեւի նկրտումներին Հայաստանի տարածքում, ապա դա, ինչպես շեշտեց պատգամավորը, ակնհայտ սադրանք է, իսկ մի ժողովրդի կողմից մյուսի հանդեպ ատելության հրահրումը, ինչպես դա արվում է Ադրբեջանի իշխանությունների կողմից, ակնհայտորեն խաղաղության չի տանում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները