Նշվել են միլիարդատերերի անունները, ովքեր կարողացել են կարողություն վաստակել պանդեմիայի հաշվին
Forbes ամսագիրը նշել է առողջապահության ոլորտից 50 ձեռնարկատերերի անունները, ովքեր կարողացել են կարողություն վաստակել պանդեմիայի հաշվին: Նրանց մեծ մասը բնակվում է Չինաստանում, որտեղից տարածվել է կորոնավիրուսի պանդեմիան:
Forbes-ի ցուցակում հայտնված գործարարները կարողությունը վաստակել են պատվաստանյութերի մշակմամբ եւ բժշկական սարքավորումների մատակարարմամբ զբաղվող ընկերությունների բաժնետոմսերի աճի շնորհիվ: Նոր միլիարդատերերի թվում է BioNTech գերմանական կենսատեխնոլոգիական ընկերության գործադիր տնօրեն Ուգուր Շահինը: Նրա ղեկավարած ընկերությունն ամերիկյան Pfizer-ի հետ արդյունավետ պատվաստանյութ է մշակել: Տարեսկզբից ընկերության բաժնետոմսերն աճել են 160 տոկոսով, իսկ Շահինի կարողությունն ավելացել է 17 տոկոսով՝ մինչեւ 4,2 մլրդ դոլար:
Forbes-ի ցուցակում է նաեւ ամերիկյան Moderna ընկերության ղեկավար Ստեֆան Բանսելը, որը եւս արդյունավետ պատվաստանյութ է մշակել: Տարեսկզբից ընկերության արժեթղթերի արժեքն աճել է ավելի քան 550 տոկոսով: Բանսելի կարողությունը կազմել է 4,1 մլրդ դոլար: Բացի այդ, պարբերականը ցուցակում է ներառել Shenzhen Kangtai Biological Products ընկերության ղեկավարի նախկին կնոջը՝ Յուան Լիպինին: Ամուսնալուծությունից հետո կինը ստացել է բաժնետոմսերի 24 տոկոսը: Յուանի կարողությունը կազմել է 41, մլրդ դոլար:
Պանդեմիայի հաշվին կարողություն վաստակած ձեռնարկատերերի թվում են նաեւ Contec Medical Systems-ի ղեկավար Հու Կունը, կանադական AbCellera-ի ղեկավար Կառլ Հանսենը:
Բացի այդ, ցուցակում են Moderna-ի համահիմնադիր Տիմոտի Սպրինգերը եւ իտալական որը Stevanato ընկերության ղեկավար Սերժիո Ստեվանատոն: Ենթադրաբար, հենց Stevanato-ն կմատակարարի կորոնավիրուսի դեմ ավելի քան 40 պատվաստանյութ: