Մատվիենկո. Լեռնային Ղարաբաղի կարգավիճակը հավելյալ բանակցություններ է պահանջում
Ռուսաստանը Լեռնային Ղարաբաղի կարգավիճակի որոշման համար միջազգային ջանքերի հույս ունի: Այս մասին լրագրողներին հայտնել է Դաշնության խորհրդի նախագահ Վալենտինա Մատվիենկոն, հաղորդում է «ՌԻԱ Նովոստի»-ն:
«Լեռնային Ղարաբաղի կարգավիճակը հավելյալ բանակցություններ է պահանջում: Մենք անկասկած, ԵԱՀԿ-ի, Ֆրանսիայի նախագահի, ԱՄՆ-ի նախագահի եւ Լեռնային Ղարաբաղում հակամարտության հարցով գործընթացին ներգրավված այլ պետությունների ջանքերի հույս ունենք: Շատ բարդ աշխատանք է սպասվում, սակայն կարեւորն արդեն ձեռք է բերվել՝ միջազգային փաստաթղթերի կատարում, որոնցով Ադրբեջանին են վերադարձվել այն տարածքները, որոնք նրան էին պատկանում…Դա խոսում է այն մասին, որ Ռուսաստանն առանցքային դեր է ունեցել»,-ասել է Մատվիենկոն:
Նրա խոսքով՝ ռուսական կողմը թույլ չի տվել հակամարտության հետագա սրում եւ նոր մարդկային զոհեր:
«Դա շատ բարդ համաձայնագիր է, որին հասնելը հեշտ չի եղել…Այսօր հակամարտության գոտում հենց ռուս խաղաղապահներն են պահպանում այդ համաձայնագիրն ու թույլ չեն տալիս դրա պայմանների խախտում եւ զինված հակամարտության վերադարձ, նրանք նպաստում են խաղաղ կյանքի հաստատմանը»,-հավելել է Մատվիենկոն:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Սիրո անունը Հայաստան է
Առողջապահության նախարարությունը՝ Գագիկ Խաչատրյանի առողջական վիճակի մասին
Հանրակրթական ուսումնական հաստատությունների ավագ դասարաններում ներդրվել է «Ճանապարհային երթևեկության ...
Ընթանում է Գարեգին Բ-ի և 6 եպիսկոպոսի գործով դատական նիստը
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
Վաղարշապատի համայնքային ոստիկանները ձերբակալել են 1 տարի առաջ ծանր մարմնական վնասվածք պատճառած անձին
Հանդիպում Համաշխարհային բանկի ներկայացուցիչների հետ
Երթեւեկության ժամանակավոր փոփոխություն