Հետախուզական պատերազմը Լեռնային Ղարաբաղում Ադրբեջանը հաղթել է իսրայելական պայմանագրերի շնորհիվ

Ադրբեջանը հաղթել է հետախուզական պատերազմը Լեռնային Ղարաբաղում իսրայելական պայմանագրերի շնորհիվ, գրում է Intelligence Online-ը:
Մինչ աշխարհը կենտրոնացած էր Թուրքիայի աջակցության եւ Սիրիայից վարձկանների վրա, որոնք Անկարան մատակարարում էր Ադրբեջանին, ինչպես նաեւ` իսրայելական արտադրության անօդաչու թռչող սարքերի, Իսրայելը հետախուզական տվյալներ էր տրամադրում նաեւ Բաքվին: «Նորագույն սենսորներից մինչեւ հանքավայրերի գերճշգրիտ մոդելավորում` Թել Ավիվը Բաքվին տրամադրել էր հետախուզական տեղեկատվության հավաքման իր վերջին տեխնոլոգիաները` արագորեն փոխելով հակամարտության հետագիծը Լեռնային Ղարաբաղում»:

Intelligence Online-ը հայտնում է, որ իսրայելական ընկերություններն Ադրբեջանին հատուկ տվյալներ են տրամադրել Լեռնային Ղարաբաղի աշխարհագրական դիրքի վերաբերյալ, ինչը նպաստել է ադրբեջանական բանակի անօդաչու թռչող սարքերի տեղաշարժին նշված տարածքներում: Հենց այս տվյալների շնորհիվ էր, որ անօդաչուներին հաջողվեց ճշգրիտ հարված հասցնել թիրախներին եւ հսկայական կորուստներ պատճառել հայկական կողմին:

Հոդվածում նշվում է նաեւ, որ Իսրայելը կարողացել է փորձարկել իր սարքավորումներն Իրանի մերձակա տարածքներում, ինչը, ըստ հոդվածի հեղինակի, մեծ նշանակություն ունի: