Թուրքիայում 27 հոգով բռնաբարել են 15 տարեկան աղջկան

Թուրքիայում 15-ամյա աղջիկը բռնաբարվել է 27 տղամարդկանց կողմից, որոնց թվում եղել են ոստիկաններ եւ զինծառայողներ: Դեպքը տեղի է ունեցել Թուրքիայի հարավարեւելյան Բաթման շրջանում, հայտնում է Gazete Duvar-ը:

Դատախազությունը հայտնել է, որ մինչ այժմ պետական պաշտոնյաներից ոչ ոք չի հայտնաբերվել որպես կասկածյալ:

Տղամարդկանց անունները տրամադրվել են շրջանի դատախազի կողմից սկսված հետաքննության ընթացքում, սակայն գործերում ընդգրկվել է ընդամենը 11 կասկածյալ: Քրեական գործի շրջանակներում երկու տղամարդ է բերման ենթարկվել, որոնցից մեկը ձերբակալվել է: