Մայքլ Ջորդան. Այլևս ոչ մի ցեղասպանություն. Մտածում եմ իմ հայ ընկերների մասին

Լեգենդար ամերիկացի բասկետբոլիստ, «Չիկագո Բուլզի» նախկին խաղացող Մայքլ Ջորդանը Թվիթերում կատարած գրառմամբ անդրադարձել է Արցախի դեմ Ադրբեջանի սանձազերծած ռազմական գործողություններին:

«Այլևս ոչ մի ցեղասպանություն: Մտածում եմ իմ հայ ընկերների և բոլոր հակամարտության գոտիներում գտնվող մարդկանց մասին: Այս հավելվածն օգտագործում եմ, որպեսզի տեսնեմ այն, ինչ լրատվամիջոցները ցույց չեն տալիս»,- գրել է Ջորդանը:

Մայքլ Ջորդանն իր գրառման մեջ օգտագործել է #PeaceForArmenians (խաղաղություն հայերին) հեշթեգը:

Հիշեցնենք, որ սեպտեմբերի 27-ին՝ ժամը 07:15-ի սահմաններում, Ադրբեջանի բանակն օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ամբողջ երկայնքով՝ թիրախավորելով նաեւ խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը: Ռազմական գործողությունները շարունակվում են։