Սուարեսն արտասվել է «Բարսելոնայից» հեռանալուց (տեսանյութ)

«Բարսելոնայից» Մադրիդի «Աթլետիկո» տեղափոխված ուրուգվայցի հարձակվող Լուիս Սուարեսը կատալոնական ակումբի մարզաբազայից հեռանալիս չի զսպել արցունքները:

Սեպտեմբերի 23-ին 33-ամյա ֆուտբոլիստն ակումբի մարզաբազա էր ժամանել «Բարսելոնայի» ֆուտբոլիստներին հրաժեշտ տալու համար:

Հիշեցնենք, որ Լուիս Սուարեսը 2014 թվականին անգլիական «Լիվերպուլից» էր տեղափոխվել «Բարսելոնա», որի հետ 4-ական անգամ դարձել է Իսպանիայի չեմպիոն ու գավաթակիր, ինչպես նաև մեկակական անգամ հաղթել Չեմպիոնների լիգայում, ՈւԵՖԱ-ի Սուպերգավաթում ու աշխարհի ակումբային առաջնությունում: Կատալոնական ակումբի կազմում նա անցկացրել է 283 հանդիպում և դարձել 198 գոլի հեղինակ:

Սպասվում է, որ «Աթլետիկոյի» հետ ուրուգվայցին կկնքի 2 տարվա պայմանագիր՝ տարեկան 10 միլիոն եվրո աշխատավարձով:

 

 

 

View this post on Instagram

@luissuarez9 couldn’t hold back the tears while leaving the Barça training ground for the last time @elgolazodegol

A post shared by 433 (@433) on Sep 23, 2020 at 5:56am PDT