ԱԳՆ աթոռը զբաղեցնող անձը կբացատրի՞, թե ինչ նկատի ունի «միջնադարյան շրջափակում» ասելով․ Գագիկ Համբարյան
Հայաստանի արտգործնախարար Զոհրաբ Մնացականյանը սեպտեմբերի 23-ին ելույթ ունենալով դեպի ծով ելք չունեցող զարգացող երկրների խմբի՝ «Համագործակցություն ուղղված Վիեննայի գործողությունների ծրագրի և դեպի ծով ելք չունեցող զարգացող երկրների կայուն զարգացման նպատակների արագ իրականացմանը» թեմայով նախարարական առցանց հանդիպմանը հայտարարել է. «Թուրքիայի կողմից ՀՀ-ի միջնադարյան շրջափակումը ոտնահարում է միջազգային համաձայնագրերը»...
Հետաքրքիր է, ԱԳՆ աթոռը զբաղեցնող սույն անձը կբացատրի, թե ի՞նչ նկատի ունի ասելով «միջնադարյան շրջափակում»։ Այս մասին Ֆեյսբուքի իր էջում գրել է քաղաքագետ Գագիկ Համբարյանը։
«ՀՀ ԱԳ նախարարի պատասխանից այնպիսի տպավորություն ես ստանում, որ նա ընդհանրապես պատմություն չգիտի ու իր համար միջնադարը ասոցացվում է խավարամտության և հետամնացության հետ... Այս անգրագետ և անհիմն բառակապակցությունը սպասելի էր լսել շատերից, բայց ոչ ԱԳ նախարարի պաշտոնը զբաղեցնողից», գրել է Գ․Համբարյանը։
Քաղաքագետը նշել է, թե նորագույն պատմության շրջանում ավելի զանգվածային հանցագործություններ են տեղի ունեցել, քան ավելի բոլոր նախորդ դարաշրջաններում։
«Ի դեպ, նորագույն ժամանակներում իր նախնադարյան անգրագիտությամբ փայլատակող Զոհրաբ Մնացականյանը կարող է հասարակությանը բացատրել, թե սույն թվականի հունվարի վերջին ինչի՞ շուրջ էր 11 ժամ խոսում Ադրբեջանի արդեն նախկին ԱԳ ղեկավար Էլմար Մամեդյարովի հետ Ժնևում, որոնք նա բանակցություններ չի համարում... Կամ կոնկրետ՝ «այո» կամ «ոչ» տարբերակներով կպատասխանի ՌԴ ԱԳ նախարար Սերգեյ Լավրովի Արցախի շուրջ ընթացող բանակցությունների մասին բացահայտումներին՝ մեզ զերծ պահելով իր «ատենախոսության թեզ» հիշեցնող բացատրություններից...
Ի գիտություն պարոն Մնացականյանին ասեմ, որ պատմության նոր և նորագույն ժամանակաշրջաններում մարդկությունն ավելի շատ բարբարոսությունների և մասսայական հանցագործությունների է հանդիպել, քան նախնադարում և միջնադարում իրար հետ վերցված», գրել է Գագիկ Համբարյանը։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին