Իլհամ Ալիեւը ՄԱԿ-ում բողոքել է Հայաստանից
Ադրբեջանի նախագահ Իլհամ Ալիեւը Նյու Յորքում ՄԱԿ Գլխավոր ասամբլեայի 75-րդ նստաշրջանի բացման կապակցությամբ իր տեսաուղերձում բողոքել է Հայաստանից:
Պատճառն այս անգամ Հայաստանում աշխարհազոր ստեղծելու նախաձեռնությունն է (առայժմ միայն նախաձեռնություն): Ըստ Ալիեւի՝ «սա հստակ ցույց է տալիս Հայաստանի ղեկավարության նոր ագրեսիվ մտադրությունները»: Հայաստանի պաշտպանության նախարարը սպառնում է Ադրբեջանին «նոր պատերազմով՝ նոր տարածքների համար»,- դժգոհել է Ալիեւը:
Նրա խոսքերով՝ «Հայաստանի վարչապետը նպատակադրված խախտում է այն բանակցությունների ձեւաչափը եւ էությունը, որոնք իրականացվում են ԵԱՀԿ Մինսկի խմբի համանախագահների միջնորդությամբ»: «Նրա «Ղարաբաղը Հայաստան է» հայտարարությունը լուրջ հարված է բանակցային գործընթացին: Նա բանակցությունների գործընթացում անհիմն պայմաններ է առաջադրում: Ադրբեջանին ներկայացված նրա անընդունելի «յոթ պայմանները» մեր կողմից մերժվեցին: Մենք ունենք միայն մեկ պայման խաղաղության հասնելու համար: Հայաստանի զինված ուժերը պետք է դուրս բերվեն Ադրբեջանի գրավյալ բոլոր տարածքներից: Ամբողջ աշխարհը Լեռնային Ղարաբաղը ճանաչում է որպես Ադրբեջանի բաղկացուցիչ մաս»,- ասել է Իլհամ Ալիեւը:
Ընդհանուր առմամբ, Ալիեւի կարծիքով, «ագրեսիվ հռետորաբանությունն ու սադրանքները ցույց են տալիս Հայաստանի պատրաստությունը Ադրբեջանի դեմ նոր ագրեսիայի»: «Մենք կոչ ենք անում ՄԱԿ-ին եւ միջազգային հանրությանը ազդել Հայաստանի վրա եւ թույլ չտալ նոր ռազմական ագրեսիա»,- ասել է Ալիեւը` ամեն դեպքում հավելելով, որ հակամարտությունը պետք է լուծվի Ադրբեջանի տարածքային ամբողջականության շրջանակներում` ՄԱԿ Անվտանգության խորհրդի բանաձեւերի հիման վրա:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...