Ախալքալաքում անկարգությունների պատճառ դարձած սպանության գործով կա բերման ենթարկված
Ախալքալաքում անկարգությունների պատճառ դարձած սպանության գործով կա բերման ենթարկված։
Վրաստանի ՆԳՆ-ից հայտնել են, որ անցկացված օպերատիվ քննչական գործողությունների արդյունքում կանխամտածված սպանության եւ հրազենի ապօրինի ձեռքբերման եւ պահման հատկանիշներով բերման է ենթարկվել 1983 թվականին ծնված Ա․Գ․-ն։
Որպես պատիժ այդ հանցագործության համար նախատեսված է 7-15 տարվա ազատազրկում։
«Քննությունը պարզել է, որ մեղադրվող Ա․Գ․-ն փոխադարձ տարաձայնությունների հետեւանքով հրազենից մահացու վիրավորում է հասցրել 1993 թվականին ծնված Վ․Մ․-ին, որը մահացել է հիվանդանոց տեղափոխվելու ճանապարհին։ Իրավապահներն անձնական հետախուզման արդյունքում առգրավել են հրազենը։
Ավելի վաղ հաղորդվում էր, որ Ախալքալաքում անկարգությունները սկսվել են օգոստոսի 8-ին։ ԶԼՄ-ների հաղորդմամբ՝ դրանց նախորդել է հրաձգությունն ու Քուլաքամ գյուղի 27-ամյա բնակչի սպանությունը։ Շուրջ երկու տասնյակ մարդ հրկիզել է «Արթսեք» հյուրանոցը քաղաքի կենտրոնում, ինչպես նաեւ եւս չորս տուն։ Ենթադրվում է, որ տներից մեկը պատկանում է հյուրանոցի տիրոջը, իսկ մյուսները՝ նրա բարեկամներին։
Անկարգությունների մասնակիցները շատ ագրեսիվ էին, նրանցից մի քանիսի մոտ կային մահակներ։ Վնասվել է մի քանի ավտոմեքենա։ Բախումների հետեւանքով առնվազն մեկ մարդ է տուժել եւ տեղափոխվել քաղաքային հիվանդանոց։ Քաղաքում դեռեւս մոբիլիզացված է հատուկ նշանակության ծառայությունն ու հատուկ տեխնիկան, ինչպես նաեւ պարեկային ոստիկանությունը:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...