Քաղաքական հետապնդումը պոզով ու պոչով կենդանի չէ
«Հայրենիք» կուսակցության խորհրդի նախագահ Արսեն Բաբայանն այսօր հիշեցրել է Նիկոլ Փաշինյանի կուսակից Մխիթար Հայրապետյանի՝ օրենքի կոպտագույն խախտումով նշանակման մասին ու համեմատել ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանին վերագրվող արարքի հետ։
Բաբայանը գրում է.
«Քաղաքական հետապնդումը պոզով ու պոչով կենդանի չէ, քաղաքական հետապնդումն այն է, ինչ անում եք արդեն երկու տարի
Մի շարք հատկանիշներից քաղաքական հետապնդումն ունի շատ պարզ ու կարևոր հատկանիշ, այն է` երբ երկու անձ կատարում են նույն արարքը, բայց իշխանությունը պատասխանատվության է ենթարկում միայն մեկին: Ակնհայտ է, որ այդ մեկը հենց այն մեկն է, ումից իշխանությունը կամ վախենում է կամ պարզապես չի սիրում:
Հիմա փորձենք հասկանալ, թե ինչում է Նիկոլ Փաշինյանը մեղադրում Արթուր Վանեցյանին։ Ըստ ԱԱԾ-ում նախապատրաստվող նյութերի Արթուր Վանեցյանն իբր պաշտոնում նշանակել է մեկին, որին, իբր, չէր կարող նշանակել, քանի որ, իբր, նշանակվողն օրենքով թույլատրելի տարիք չուներ։ Այսինքն՝ իբր ապօրինի նշանակում էր կատարել։
Իհարկե բոլորին է հայտնի, որ Արթուր Վանեցյանը որևէ ապօրինի նշանակում չի կատարել։
Բայց այս ամենում մի շատ հետաքրքիր հանգամանք կա։ Հիշո՞ւմ եք Մխիթար Հայրապետյանին, ով նախկինում սփյուռքի նախարարն էր, իսկ այժմ ՀՀ ԱԺ հանձնաժողովի նախագահ։ Վստահ եմ հիշում եք նաև, որ նույն Մխիթար Հայրապետյանն իր խորհրդականին նշանակել էր օրենքի կոպտագույն խախտմամբ։ Ի տարբերություն Արթուր Վանեցյանի՝ Մխիթարն իսկապես թույլ էր տվել խախտում և այդ խախտումը կայանում էր նրանում, որ խորհրդական նշանակված անձի տարիքն իսկապես չէր համապատասխանում օրենքով նախատեսված տարիքին, բայց նախկին նախարար Մխիթար Հայրապետյանը խախտելով օրենքն այդ անձին նշանակել էր խորհրդական։
Հետո, երբ սոցիալական ցանցերում ու մամուլում մեծ աղմուկ բարձրացավ, նախարարն ազատեց խորհրդականի պաշտոնից և թույլ տրված ապօրինության համար ընդամենը ներողություն խնդրեց։
Պա՞րզ է չէ, որ որևէ ծառայողական քննություն չանցկացվեց, քրեական գործ հարուցելու համար նյութեր չնախապատրաստվեցին։ Իսկ թե ինչո՞ւ չարվեց և բավարավեցին միայն ներղությամբ՝ ակնհայտ է, իրավախախտողն իրենց քայլականներից էր, թիմի անդամ։
Երկու տարուց ավելի է բարձրաձայն ասում ենք. ընկերներ, քաղաքական հետապնդումը պոզով ու պոչով կենդանի չէ, այլ՝ հենց այն է, ինչ անում եք արդեն երկու տարի»։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին