Ինչն է այսօր երկրի պրոբլեմը եւ ով է դրանց հեղինակը. այս հարցում, կարծում եմ, բոլորն ունեն նույն կարծիքը. Քոչարյան
Այս անգամ իմ մոտ լավատեսությունն ավելի մեծ է, որ հնարավոր կլինի համախմբվել այս իրավիճակից դուրս գալու համար։ Այս մասին, նախօրեին իր աջակիցների հետ հեռավար հանդիպման ժամանակ նշել է Ռոբերտ Քոչարյանը՝ հավելելով, որ իրավիճակի գնահատականը գրեթե բոլորի մոտ նույնն են։
«Ընդդիմադիր ուժերի մասին է խոսքը եւ հատկապես արտախորհրդարանական ընդդիմադիր ուժերի մասին։ Ինչն է այսօր երկրի պրոբլեմը եւ ով է այդ պրոբլեմների հեղինակը։ Այս հարցում, կարծում եմ, բոլորն ունեն նույն կարծիքը։ Այս հարցը այն պարզ տարբերակն է, որը կարող է միավորել բոլորին։ Երկրի պրոբլեմը այստեղ է, կառավարության շենքում»,-ասաց Քոչարյանը։
Նա հիշեցրեց, որ իր նախագահության շրջանում առաջ էր քաշել ոչ թե ուժեղ պետության, այլ կազմակերպված պետության թեզը. «Կազմակերպված պետությունն անխուսափելիորեն դառնում է ուժեղ պետություն։ Եթե մենք չենք կարող լինել մեծ չափով, աշխարհագրական դիրքով, կազմակերպված պետությունը պետական ինստիտուտների կայացվածությունն է եւ ժամացույցի պես աշխատանքը։ Սա է պետության ուժը։ Երբ ասում ենք՝ Հայաստան, հասկանում ենք 30 հազար կմ եւ 3 մլն բնակչություն։ Երբ ասում ենք՝ պետություն, ես դրա տակ հասկանում եմ, ոչ թե այդ տարածքը, բնակչությունը, այլ պետությունն իր ինստիտուտներով, շվեյցարական ժամացույցի պես աշխատող համակարգ»,-ասաց նա՝ հավելելով, որ օրինակ Եվրոպայի շարժիչ ուժը համարվող Գերմանիան առանձնանում է պետական արդյունավետությամբ։
«Այլ կերպ ուժեղ պետություն չենք կարող ունենալ։ Այն, ինչ կատարվում է այսօր Հայաստանում, լրիվ հակառակ պատկերն է։ Տպավորությունն այնպիսին է, որ պետական ինստիտուտները խանգարում են երկրի ղեկավարին։ Այսօր կա պետական համակարգ, որը խանգարում է այսօրվա իշխանությանը։ Սա այս իշխանության ամենաթույլ տեղն է, որովհետեւ առանց կայացած պետական համակարգի ոչ մի պետություն չի կարող զարգանալ։ Այդ համակարգի աշխատանքի բացակայությունն է, որ այսօր ունենք համաճարակի այս խայտառակ ցուցանիշները։ Որովհետեւ փոխանակ պետական համակարն աշխատեցնենք, կենտրոնացել ենք պարզունակ լուծումների վրա։ Դիմակ կրելը դարձել է միակ միջոցը համաճարակի դեմ պայքարում։ Մեր ամբողջ տնտեսական քաղաքականության հիմնաքարը ՀԴՄ կտրոնն է։ Սա է մեր պրոբլեմը եւ ապագայում ես տեսնում եմ կազմակերպված պետություն եւ դրա շնորիվմենք կարող ենք լինել ուժեղ»։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան