Նար-Դոսին Թումանյանից չտարբերող ինքնասիրահարվածը

Իշխանության հասնելուց որոշ ժամանակ անց, հայրենի քաղաքի մատույցներում տեղադրվում է իր՝ առաջնորդի արձանը։ Ապա, իր իսկ բացահայտ թելադրանքով, ամեն քայլափոխի բոլորս պետք է ստիպված «հպարտանանք» և կարդանք առաջնորդի «հանճարեղ» խոսքերն ընտանիքի, օջախի և այլ դատարկաբանությունների մասին։

Բոլոր հեռուստաալիքներով, համացանցային հաղորդումներով ստիպված ես լսել, երեկ վարակված, այսօր առողջացած առաջնորդի ելույթ-սպառնալիքները,այպես կոչված «լայվերը», «մասնագիտական» խորհուրդները։

Այսօր էլ չես կարող փողոցում հանգիստ քայլել․ իր խզված տենորով, քեզ է հետևում,խորհուրդներ տալիս ինքնասիրահարված, «ամենագետ» , բանասեր, սակայն Նար-Դոսին Թումանյանից չտարբերող վարչապետը։

Հարգելի վարչապետ, եթե դուք համոզված եք ձեր իմաստության մեջ և չեք դիմանում առանց այլոց հետ ամենօրյա շփումների, խնդրում եմ կանգնեք հայելու առաջ (նկատի չունեմ Հայելու առաջ հաղորդումը) խոսեք, խոսեք, սպառնացեք, սպառնացեք, խորհուրդներ տվեք, ժպտացեք, զայրացեք․․․

ԻՍԿ ՄԵՆՔ ՀՈԳ-ՆԵԼ ԵՆՔ

Ավետիք Իշխանյանի ֆեյսբուքյան էջից