Գործը փողոցային պայքարին չհասցնեք
Հասարակական-քաղաքական գործիչ Միհրան Հակոբյանը ֆեյսբուքյան իր էջում գրառում է կատարել՝ անդրադառնալով իշխանության գործունեությանը։ Նա մասնավորապես նշել է, որ իշխանության ներկայացուցիչներն ավելի հանգիստ կապրեն, երբ գիտակցեն պարզ ճշմարտությունն առ այն, որ իշխանության համար պայքարը հարատև է, երբեք չի դադարելու։
«Իշխանությունը զավթած տղաներն ու աղջիկները ջղաձգումներից, հաճախակի ապուշ մտքեր դուրս տալուց զերծ կմնան ու ավելի հանգիստ կապրեն, եթե գիտակցեն մի շատ պարզ ու աշխարհի չափ հին ճշմարտություն. իշխանության համար պայքարը հարատև է, երբեք չի դադարելու: Քանի դուք իշխանություն ունեք, այն միշտ վիճարկվելու է: Իսկ երբ դուք առանձնապես տաղանդներով օժտված չեք, հիմնականում անգրագետ եք, մեծախոս ու ինքնասիրահարված, վիճարկման տեմպը գնալով մեծանալու է: Աներձագ Հրաչուկի մտավոր կարողություններին նայեք, ձեզ խղճացեք: Դուք կորցնելու եք իշխանությունը, շատ արագ եք կորցնելու: Այսպես կոչված` ջրի բերած, ջրի տարած: Կարծում եք` աշխատու՞մ է «մեզ ժողովուրդն է ընտրել», «մենք ժողովրդի իշխանությունն ենք», «կա հանրային պահանջ» տափակ ու սպառված կարգախոսները: Իսկ մտքներովդ անցե՞լ է, որ այդ նույն ժողովրդը ձեզ տանել չի կարողանում:
Գիտե՞ք` ինչ բան է սոցիոլոգիան, ինչ բան է հանրային աջակցության ինդեքսը, և ընդհանրապես` գիտե՞ք` ինչ բան է պատմական պարադիգմը: Մի քիչ ուսումնասիրեք, չնայած` գործ չունեք, կահաբեկվեք ձեզ սպասվող ապագայից: Ընդամենը մի բարի խորհուրդ տամ. բանը չհասցնեք փողոցային պայքարին: Որովհետև երբ ժողովւրդը դուրս եկավ փողոց, դուք շատ վատ սցենարով եք հեռանալու: 2018-ին նախկինները հանգիստ հանձնեցին իշխանությունը ձեզ, որովհետև պետություն կար, իրավապահ համակարգ կար, և հանձնում-ընդունման ժամանակ պետությունը կարող էր հանձնողների ֆիզիկական անվտանգությունն ապահովել: Դուք երկու տարվա մեջ ավիրել եք ամեն ինչ, դուք ոչնչացրել եք պետությունը: Այն պետությունը, որը իշխանությունը հանձնելու ժամանակ պետք է ձեր ֆիզիակական անվտանգությունն ապահովեր փողոցից: Նախկիններն ունեին այդ հնարավորությունը, դուք` չունեք: Ձեր խելքի պատճառով չունեք, բայց դա այլևս էական չէ: Գործը փողոցային պայքարին չհասցնեք, ձեր համար եմ ասում, լավ չի լինելու:
»։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան