Իրանում տասներկու տարում առաջին անգամ փոխվել է խորհրդարանի ղեկավարը
Իրանի խորհրդարանի նոր ղեկավար է դարձել Թեհրանի նախկին քաղաքապետ, ոստիկանության նախկին ղեկավար եւ զինվորական Մոհամմադ-Բաղեր Գալիբաֆը, հայտնում է «ՌԻԱ Նովոստի»-ն՝ վկայակոչելով IRIB-ն:
Փետրվարին ընտրված 11-րդ գումարման խորհրդարանն իր աշխատանքը սկսեց նախօրեին: Հինգշաբթի Գալիբաֆը պատգամավորների քվեարկությամբ ընտրվեց խորհրդարանի ղեկավար:
Իրանի խորհրդարանի նախկին ղեկավար Ալի Լարիջանին, որը 2008 թվականից անփոփոխ կերպով ղեկավարում էր երեք գումարումների օրենսդիր մարմինը, 2019-ի վերջին հայտարարեց, որ չի պայքարելու պատգամավորական աթոռի համար եւ վերջերս պատմեց համալսարանում դասավանդելու ցանկության մասին:
Մոհամմադ-Բաղեր Գալիբաֆը ծնվել է 1961-ի օգոստոսի 23-ին Իրանի հյուսիս-արեւելյան մասում գտնվող Թորքաբե անունով փոքրիկ գյուղում: 1979 թվականին Իսլամական հեղափոխության հաղթանակից եւ Իրանի եւ Իրաքի միջեւ պատերազմի սկսվելուց հետո նա 19-ամյա հասակում նշանակվեց Իմամ Ռեզայի բրիգադի հրամանատար, իսկ մեկ տարի անց՝ Նասր դիվիզիայի հրամանատար: 2000-ից մինչեւ 2005 թվականը ղեկավարել է Իրանի իրավապահ ուժերը:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել