Եթե մի բանի հասնում ես դժվարությամբ, դա գին ունի. Հենրիխ Մխիթարյան
Հայաստանի հավաքականի և «Ռոմայի» կիսապաշտպան Հենրիխ Մխիթարյանը «Հայաստանի մանուկներ» հիմնադրամի կողմից կազմակերպված ինստագրամյան ուղիղ եթերի ընթացքում պատասխանել է Հայաստանի տարբեր գյուղերի երեխաների հարցերին:
Հարցին, թե ինչպես է անցկացնում ժամանակը կորոնավիրուսի ընթացքում, Մխիթարյանը պատասխանել է.
«Բոլորիս համար շատ դժվար է տանը նստելը: Բայց հասկանալով այս դժվար իրավիճակը, պետք է կարողանանք հանգիստ մնալ՝ մինչև շտկվի այս ամենը»:
Երեխաներից մեկի հարցին, թե ինչն է Մխիթարյանի մոտիվացիան, հայ ֆուտբոլիստը պատասխանել է.
«Իմ առաջին քայլերը արել եմ հորս շնորհիվ: Մինչև օրս էլ նա է իմ մոտիվացիան, անում եմ ամեն ինչ, որ ուրախացնեմ նրան, չնայած որ արդեն 24 տարի է՝ նա ինձ հետ չէ, բայց կարծում եմ, որ նա տեսնում է և ուրախանում»:
Դժվարությունների և հնարավորությունների մասին
«Ցանկացած մարդու տրվում է հնարավորություն: Աստված բոլորին հավասարաչափ է բաշխում հնարավորությունը, այլ հարց է, թե ով կօգտվի դրանից: Սխալ է, որ ասում են ինչ-որ մեկի բախտը չի բերում: Ինչ-որ բանի հասնելու համար միայն տաղանդը բավարար չէ, պետք է գտնես քոնը, և այն նպատակը, որը դրել ես քո առջև՝ հասնես դրան: Ես միշտ ասել եմ, որ իմ նպատակն է եղել լավ ֆուտբոլիստ դառնալը: Դժվարություններ շատ են եղել, բայց դրանք տևել են մի քանի ժամ: Ես միշտ ինձ տրամադրել եմ, որ հասնեմ իմ նպատակներին»:
Մխիթարյանի ուղերձը հայ մանուկներին
«Չեմ ուզում առանձնացնել մանուկներին, ովքեր ապրում են գյուղում կամ քաղաքում: Եթե ունես նպատակ պետք է ամեն ինչ անես, որ հասնես դրան: Կարող եմ բերել իմ օրինակով, որ ոչ մեկ չէր հավատում, որ կարող էի խաղալ Գերմանիայում, Անգլիայում, Իտալիայում: Այդ ճանապարհը շատ դժվար է, բայց ոչ անանցանելի: Եթե դու մի բանի հասնում ես հեշտությամբ, դա գին չունի: Եթե հասնում ես դժվարությամբ, այ դա գին ունի»:
Հենրիխ Մխիթարյանը գոլը «Ռոմայի» կազմում
Մխիթարյանը՝ Ռայոլայի մասին․ Նա միշտ ձգտում է, որ իր խաղացողներն իրենց զգան երջանիկ
Նոր խաղակոշիկներ վերադարձի համար. Հենրիխ Մխիթարյանը նոր լուսանկար է հրապարակել
Ռոմայում Մխիթարյանի մնալու համար հետաքրքիր սցենար են մշակել
Ո՞ւմ նկարն է Հենրիխ Մխիթարյանի հեռախոսի էկրանին
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում