Թուրքիայում ոչխարների հոտը ներխուժել է կորոնավիրուսի պատճառով ամայացած քաղաքի փողոցներ (տեսանյութ)

Սոցիալական ցանցերում տեսանյութ է հրապարակվել, որում երևում է՝ ինչպես է ոչխարների հոտը ներխուժում կորոնավիրուսի պատճառով ամայացած թուրքական Սամսուն քաղաքի փողոցներ: Այս մասին գրում է The Mirror պարբերականը: Տեսանյութն իր թվիթերյան էջում հրապարակել է Middle East Eye պարբերականի թղթակից Ռագիփ Սոյլուն: «Կորոնավիրուսային արգելափակման ժամանակ ոչխարների հոտը ներխուժել է Սամսուն քաղաք»,-գրել է Սոյլուն: Տեսանյութում երևում է՝ ինչպես է բազմաքանակ հոտը քայլում քաղաքի փողոցներում, իսկ ոչխարների մի մասն էլ հանգստանում է կանաչ տարածքների վրա: