Փորձագետ. Թեհրանի նկատմամբ Վաշինգտոնի գործողությունները չեն համապատասխանում մարդասիրական մոտեցմանը
Իրանա-ամերիկյան լարվածության հավելյալ օջախների ստեղծումը ոչ մի կերպ չի նպաստում տարածաշրջանում անվտանգության ամրապնդմանը: Այս մասին NEWS.am-ի հետ զրույցում ասաց ԵՊՀ իրանագիտության ամբիոնի վարիչ, գիտությունների թեկնածու Վարդան Ոսկանյանը:
«Չեմ կարծում, թե պետք է սպասել երկու երկրների միջեւ ուղիղ բախման կամ լոկալ ռազմական հակամարտության: Այո, ԱՄՆ-ի եւ Իրանի միջեւ լարվածությունը պահպանվում է նույնիսկ կորոնավիրուսի պանդեմիայի պայմաններում, սակայն առաջին հերթին խոսքը երկու երկրների բարձրաստիճան անձանց հռետորաբանության մասին է»,-ասաց փորձագետը:
Նրա խոսքով՝ Իրանը՝ գտնվելով ԱՄՆ պատժամիջոցների ներքո, ստիպված է հաղթահարել հավելյալ դժվարությունները՝ կապված կորոնավիրուսի տարածման հետ:
«Այսօր կողմերը պետք է միավորվեն՝ պանդեմիայի դեմ պայքարի համար՝ մարդասիրական մոտեցում ցուցաբերելով: Իսկ Վաշինգտոնի գործողությունները չեն համապատասխանում այդ մոտեցմանը: Եթե ԱՄՆ-ը թուլացնի պատժամիջոցները, ապա դա կարող է դրական ազդակ դառնալ Թեհրանի համար»,-նշեց Վարդան Ոսկանյանը:
Հիշեցնենք, որ ավելի վաղ ԱՄՆ նախագահ Դոնալդ Թրամփը երկրի ՌԾՈւ-ին կարգադրել է ոչնչացնել իրանական ռազմանավերը, որոնք «կհետապնդեն» ամերիկյան նավերին:
Մի քանի օր անց Իրանի ԶՈւ ներկայացուցիչ, բրիգադային գեներալ Աբոլֆազլ Շեկարչին հայտարարել է, որ ԱՄՆ-ն ավելի կոշտ պատասխան կստանա, եթե գործողություններ ձեռնարկի Թեհրանի դեմ:
Էպշտեյնը գաղտնի պահեստային տարածք է վարձակալել՝ լուսանկարներն ու համակարգիչները իշխանություններից թա...
ՀՀ պաշտպանության նախարարը հանդիպել է Իրանի նախագահի հետ
Նախկին դատախազը ինքնասպանություն է գործել՝ նետվելով կամրջից
Կա վտանգ՝ մսխեն մեր տղերքի թափած արյան վրա ստեղծված խաղաղությունը․ վե՛րջ տվեք մանկական խաղերին
Սևամորթները նրան որպես հոր են նայում. Ֆերդինանդը պաշտպանել է Մոուրինյուին՝ Վինիսիուսի հետ կապված միջ...
ՀՀ պաշտպանության նախարարը Իրանի ԶՈՒ ԳՇ պետի հետ քննարկել է տարածաշրջանային անվտանգությանը վերաբերող ...
ԵՄ-ն նախատեսում է Հայաստանում տեղակայել նոր՝ «հիբրիդային արագ արձագանքման խումբ»
ՀՀ ժողովրդական արտիստ, հայկական էստրադայի նվիրյալ Ռաիսա Մկրտչյանն այսօր նշում է ծննդյան 84-րդ տարեդա...
Իրանը միջnւկային զենքից հրաժարվելու խոստում չի տվել. Թրամփ
ԱՄՆ-ի կողմից Իրանի վրա ռшզմական հшրված հասցնելու որոշումն արդեն կայացվել է․ ԿՀՎ նախկին գործակալ