«Դժվարանում եմ պատկերացնել, որ Ուկրաինան նրա պատճառով կշեռքի վրա կդնի երկու երկրների միջպետական հարաբերությունները»․ Վրաստանի նախագահ
Վրաստանի նախագահ Սալոմե Զուրաբիշվիլին Ուկրաինայի փոխվարչապետի պաշտոնում Վրաստանի նախկին նախագահ և Օդեսայի նախկին նահանգապետ Միխեյիլ Սաակաշվիլիի հնարավոր նշանակման պատճառով մտահոգություն է հայտնել երկու պետությունների հարաբերությունների հետագա ճակատագրի վերաբերյալ: Պետության ղեկավարի հայտարարությունը հրապարակվել է պաշտոնական կայքում:
«Վրաստանն ու Ուկրաինան սերտ ռազմավարական գործընկերներ են։ Մեր համագործակցությունը հիմնված է ժողովուրդների դարավոր բարեկամության և մեր համատեղ շահերի ու ձգտումների հարգանքի վրա։ Չնայած դրան, մեր գործընկեր երկիրը քաղաքական բարձր պաշտոնի է դիտարկում այն անձին, որը մեղավոր է ճանաչվել Վրաստանի բոլոր երեք դատական ատյաններում։ Հարկ եմ համարում նշել, որ դա առաջացրել է մեր ղեկավարության և հասարակության հիմնավորված անհանգստությունը»,-ասված է Զուրաբիշվիլիի ուղերձում:
Նա ընդգծել է, որ գիտակցում է մեկ այլ պետության ներքին գործերին և կադրային քաղաքականությանը միջամտելու անթույլատրելիությունը, սակայն «անընդունելի և անհասկանալի» է համարում Սաակաշվիլիի թեկնածության դիտարկումն ու հնարավոր նշանակումը։
«Ես չեմ կարող պատկերացնել, որ մեկը կարող է այնքան կարևոր լինել, որ Ուկրաինան նրա պատճառով արժանի համարի կշեռքի վրա դնել մեր երկարատև միջպետական հարաբերությունները, անտեսել մեր ինստիտուտները և վիրավորել մեր հասարակությանը»,-ընդգծել է Վրաստանի նախագահը:
Նրա խոսքով՝ ստեղծված իրավիճակն արդեն հանգեցրել է երկրների միջև վստահության բացակայությանը։
«Ես հույս ունեմ, որ մեր երկրների շահերն ավելի արժեքավոր կլինեն, քան քաղաքական սերտ հավակնություններն ու հաշվարկները»,-ամփոփել է Զուրաբիշվիլին:
Ավելի վաղ հաղորդվել էր, որ Ուկրաինայի Գերագույն ռադան Օդեսայի նախկին նահանգապետ և Վրաստանի նախկին նախագահ Միխեիլ Սաակաշվիլիին հնարավոր է նշանակի բարեփոխումների գծով փոխվարչապետի պաշտոնում: Սաակաշվիլիի թեկնածությունը փոխվարչապետի պաշտոնում առաջարկել է նախագահ Վլադիմիր Զելենսկին:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան