Ճապոնիան արձակել է կապի առաջին ռազմական արբանյակը

Ճապոնիայի տիեզերական գործակալությունը (JAXA) հունվարի 24-ին արձակել է H-2А տանող հրթիռը, որն ուղեծիր է դուրս բերել ռազմական նշանակության առաջին արբանյակը՝ «Կիրեմակի-2»-ը: Այս մասին հայտնում է «Սինհուա»-ն:

H-2А հրթիռի մեկնարկից 30 րոպե անց նրանից անջատվել է «Կիրեմակի-2»-ը, որը հաղորդակցության նպատակներով կարող են օգտագործել երկրի ցամաքային, ռազմածովային եւ ռազմաօդային ուժերը:

Նախկինում արձակված քաղաքացիական նշանակությամբ արբանյակների համեմատությամբ, այս սարքն օժտված է մեծ ծավալի տեղեկությունների ընդունման եւ մշակման արագության ավելի բարձր բնութագրերով: Արբանյակի ծառայության ակնկալվող ժամկետը 15 տարի է:

Այն Ճապոնիայի Պաշտպանության նախարարությունում ռազմական նշանակության առաջին արբանյակն է: «Կիրեմակի-1»-ը եւ «Կիրեմակի-3»-ը համապատասխանաբար 2018 եւ 2020 թվականներին կարձակվեն երրորդ երկրների տանող հրթիռներով:

news.am

Այս թեմայով Ճապոնիայում ուժգին երկրաշարժից միայն 64 մարդ է զոհվել շնորհիվ որակյալ շենքերի Ճապոնիայում հեղեղումների զոհերի թիվն անցել Է 140-ից Առնվազն 3 զոհ, տասնյակ վիրավորներ Ճապոնիան ՌԴ-ին ափսոսանք է հայտնել՝ կապված Կուրիլներում զորավարժությունների հետ Ճապոնիան իր դեսպանատունը Երուսաղեմ չի տեղափոխի