Եվրախորհրդարանը Մարին Լը Պենին զրկել է պատգամավորական անձեռնմխելիությունից

Եվրախորհրդարանը հինգշաբթի վերջնական որոշում է կայացրել ֆրանսիական «Ազգային ճակատ» կուսակցության առաջնորդ Մարին լը Պենին պատգամավորական անձեռնմխելիությունից զրկելու մասին՝ Ֆրանսիայի իրավապահ մարմինների դիմումի հիման վրա, գրում է «ՌԻԱ Նովոստի»-ն:

Փարիզի դատախազությունն ավելի վաղ նախաձեռնել է Լը Պենի նկատմամբ հետաքննություն, նրա աշխատակիցները կասկածվում են ապօրինի ճանապարհով Եվրախորհրդարանում որպես քաղաքական գործչի օգնական տեղավորվելու համար:

Ստրասբուրգում վեհաժողովի լիագումար նիստի ժամանակ այդ որոշման օգտին քվեարկել է պատգամավորների մեծամասնությունը: Չորեքշաբթի Լը Պենին անձեռնմխելիությունից զրկելու խորհուրդ էր տվել Եվրախորհրդարանի իրավական հարցերով հանձնաժողովը:

Չորեքշաբթի Եվրախորհրդարանը որոշել է զրկել խորհրդարանական անձեռնմխելիությունից Մարին Լը Պենի հորը՝ «Ազգային ճակատ» կուսակցության հիմնադիր Ժան-Մարին Լը Պենին՝ «խտրականության, ատելության կամ ռասայական հիմքով բռնության դրդման» համար: Այդպես եվրախորհրդարանականները բավարարել են Ֆրանսիայի իրավապահ մարմինների դիմումը: Վերջիններս մտադիր են 88-ամյա քաղաքական գործչին ներգրավել քրեական պատասխանատվության՝ ռասայական ատելություն հրահրելու մեղադրանքով:

tert.am