Վարդենիսցի բժշկուհու հետ շփված 51 անձ ինքնամեկուսացված է. քաղաքում խիստ հսկողություն է
Վարդենիսի պոլիկլինիկայում աշխատող` կորոնավիրուսով վարակված բժշկուհու անմիջական շփման մեջ եղած 51 քաղաքացիներ ինքնամեկուսացված են։ Այս մասին այսօր՝ ապրիլի 17–ին, NEWS.am-ի հետ զրույցում ասաց վարչապետի մամուլի խոսնակ Մանե Գեւորգյանը։
«Կինը, որի մոտ հայտնաբերվել է կորոնավիրուս, բժշկուհի է եւ իր հետ շփման շրջանակը պարզված է արդեն, բոլոր նրանք, ովքեր նրա հետ անմիջական շփման մեջ են եղել՝ 51 հոգի, այս պահին իրենց տներում ինքնամեկուսացված են։ Բժշկուհու ընտանիքի 4 անդամներն այս պահին Երեւանում են, թեստավորում են»,–ասաց Գեւորգյանը։
Նրա խոսքով՝ Վարդենիս ելումուտը չի դադարեցվել, պարզապես ավելի խիստ հսկողություն է իրականացվում. «Վարդենիս–Արցախ ուղղությունը դեռեւս Արցախի ընտրություններին ընդառաջ վերահսկողության տակ է եղել, անցակետ է տեղադրված եղել։ Այս պահին Վարդենիս–Երեւան ճանապարհին ոստիկաններ են, որոնք իրենց հսկողության տակ են պահում ճանապարհը, մարդկանց ելեւմուտ արգելափակված չէ, պարզապես ավելի խիստ ռեժիմ է՝ ստուգում են մարդկանց, ջերմաչափում եւ այլն»։
Ավելի վաղ հայտնել էինք, որ Գեղարքունիքի մարզում այսօր կորոնավիրուսով վարակված քաղաքացին տեղափոխվել է «Նորք» ինֆեկցիոն հիվանդանոց. նա Վարդենիսի պոլիկլինիկայի բժշկուհի է։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Ես ուրախ եմ տեսնել հայ գերիների ազատ արձակումը